Independence Day 2024: మహాత్మా గాంధీ, భగత్ సింగ్, రాణి లక్ష్మీబాయి, సర్దార్ వల్లభాయ్ పటేల్ ఈ పేర్లు భారతదేశ ఆధునిక చరిత్రలో నిలిచిపోయాయి. అయితే భారతదేశ స్వాతంత్ర్య పోరాటంలో పాల్గొన్న కొందరి పేర్లు అస్సలు ఎవరికీ తెలీదు. ఉదాహరణకు, తమిళనాడుకు చెందిన 97 ఏళ్ల ఎం వేలు. ఈయన స్వాతంత్ర్య సమరయోధుల పెన్షన్ బకాయిలను అందుకున్నాడు. భారతదేశ స్వాతంత్ర్య పోరాటంలో పాల్గొన్న దాదాపు ఎనిమిది దశాబ్దాల తర్వాత అంటే ఏప్రిల్ 2021లో ఆయనకు పెన్షన్ ఇవ్వడం ప్రారంభించారు.
వేలు 1924లో బర్మాలో పుట్టారు. చిన్న వయస్సులో స్వాతంత్ర్య పోరాటంలో పాల్గొన్నారు. నేతాజీ సుభాష్ చంద్రబోస్ నేతృత్వంలోని ఇండియన్ నేషనల్ ఆర్మీ (INA) కోసం సైన్ అప్ చేసారు. 1945, 1946 మధ్య బ్రిటిష్ వారిచే అరెస్టు చేయబడి జైలుకి వెళ్లారు. 1970లో భారతదేశానికి తిరిగి వచ్చి తమిళనాడులో స్థిరపడ్డారు. ఈయన 1987లో స్టేట్ పెన్షన్ కోసం దరఖాస్తు చేసుకున్నట్లు చెప్పినా, దరఖాస్తు ఎప్పుడూ కనుగొనబడలేదు. 2012 లో సమర్పించిన దరఖాస్తును అధికారులు పరిశీలించారు.
కానీ వారు సమర్పించిన రుజువుపై అనుమానం వ్యక్తం చేస్తూ రాష్ట్రం అతని కేసును తిరస్కరించింది. మద్రాసు హైకోర్టు ఆదేశం తర్వాత 2021లో మాత్రమే అంగీకరించింది. ఆ తర్వాత 2021, 2023 మరియు 2024లో మరో మూడు కేసులు నమోదయ్యాయి. అతను 1987 నుండి బకాయిలను స్వీకరించడంలో విఫలమైనప్పటికీ, 2008లో దరఖాస్తు చేసుకున్నట్లు రికార్డు ఉంది. దాని ఆధారంగా, 2022లో హైకోర్టు అతని బకాయిలను లెక్కించాలని రాష్ట్రాన్ని ఆదేశించింది. ఈ ఏడాది జూలై 8న మాత్రమే వేలుకు బకాయిలు అందాయి.
స్వాతంత్ర్య సమరయోధుల పెన్షన్‌కు ఎవరు అర్హులు..?
1972లో భారతదేశానికి స్వాతంత్ర్యం వచ్చి 25 ఏళ్లు పూర్తయిన సందర్భంగా కేంద్ర ప్రభుత్వం స్వాతంత్య్ర సమరయోధుల పెన్షన్ పథకాన్ని ప్రవేశపెట్టింది. 1980లో మాత్రమే ఈ పథకం స్వతంత్ర సైనిక్ సమ్మాన్ పెన్షన్ పథకంగా పేరును మార్చడం జరిగింది. అనేక రాష్ట్రాలు స్వాతంత్ర్య సమరయోధుల కోసం వారి స్వంత పెన్షన్ పథకాలను కూడా కలిగి ఉన్నాయి. 2022లో కేంద్ర ప్రభుత్వ పథకం కింద దాదాపు 23,566 మంది లబ్ధిదారులు ఉన్నారు. 2022లో రాజ్యసభకు హోం వ్యవహారాల మంత్రిత్వ శాఖ ప్రకారం, 5,625 మంది స్వాతంత్ర్య సమరయోధులు పెన్షన్ పొందుతున్నారు. అలాగే పెన్షన్ రేటును ఎప్పటికప్పుడు పెంచుతూ వస్తున్నారు. స్వాతంత్ర్యానికి ముందు కనీసం ఆరు నెలల జైలు శిక్ష అనుభవించిన వారు ఈ పథకానికి అర్హులు.
