ప్రముఖ టాలీవుడ్ స్టార్ హీరో ఎన్టీఆర్ బావ మరిది నార్నే నితిన్ మ్యాడ్ మూవీతో ఇండస్ట్రీలోకి ఎంట్రీ ఇచ్చాడు. తొలి సినిమాతోనే యూత్ లో మంచి క్రేజ్ సంపాదించుకున్నాడు. మ్యాడ్ తరువాత కొద్ది రోజులు గ్యాప్ తీసుకొని.. ఆయ్ అంటూ మరోసారి టాలీవుడ్ ప్రేక్షకులను పలకరించాడు. అంజి కె.మణిపుత్ర తెరకెక్కించిన ఈ విలేజ్ లవ్ స్టోరీలో నయన్ సారిక కథానాయికగా నటించింది. అల్లు అరవింద్ సమర్పణలో జీఏ2 పిక్చర్స్ పై బన్నీవాసు, విద్యా కొప్పినీడి ఈ సినిమాను నిర్మించారు.
ఎలాంటి అంచనాలు లేకుండా చిన్న మూవీగా విడుదలైన ‘ఆయ్’ సూపర్ హిట్ గా నిలిచింది. ఆగస్టు 15న విడుదలైన ఈ సినిమా దాదాపు రూ.20కోట్ల వరకు వసూళ్లను రాబట్టింది. స్టార్ హీరోల సినిమాలు సైతం పోటీలో ఉన్నప్పటికీ ఆయ్ మూవీ కలెక్షన్లు రాబట్టడం విశేషం. ఎన్టీఆర్, అల్లు అర్జున్, రష్మిక మందన్న వంటి సినీ ప్రముఖులు ఆయ్ చిత్ర యూనిట్ ను మెచ్చుకున్నారు. ప్రస్తుతం చాలా ప్రాంతాల్లో థియేటర్లలో సందడి చేస్తోంది ఆయ్. సెప్టెంబర్ 12న ఓటీటీలోకి రానుంది. డిజిటల్ స్ట్రీమింగ్ హక్కులను ప్రముఖ ఓటీటీ ప్లాట్ ఫార్మ్ నెట్ ప్లిక్స్ దక్కించుకుంది. తాజాగా ఆయ్ మూవీ ఓటీటీ రిలీజ్ పై అప్డేట్ ఇచ్చింది నెట్ ఫ్లిక్స్.
