నటి, పవన్ కళ్యాణ్ మాజీ భార్య రేణూ దేశాయ్ ఇటీవల పెట్స్ సంరక్షణ కోసం ఓ ఎన్జీవో సంస్థను ప్రారంభించిన విషయం తెలిసిందే. ఈ విషయాన్ని ఇన్‌స్టాగ్రామ్ వేదికగా ఆమె తన అభిమానులతో పంచుకున్నారు. అంతేకాకుండా ఫ్యాన్స్ నుంచి విరాళాలు సైతం ఆశించారు. పెట్స్ సంరక్షణ అనేది చిన్ననాటి నుంచి తన కల అని పేర్కొన్నారు. ఈ క్రమంలో రేణూ దేశాయ్ ట్వీట్‌కు మెగా ఫ్యామిలీ కోడలు ఉపాసన స్పందించారు.
ఉపాసన చెర్రీ దంపతులకు పెట్స్ అంటే చాలా ఇష్టం.వీరిద్దరూ కలిసి ‘రైమ్’ అనే కుక్క పిల్లను పెంచుకుంటున్నారు. దానిని వారి కుటుంబంలో భాగంగా చూస్తుంటారు. ఈ క్రమంలోనే ఉపాసన రేణూ దేశాయ్ పిలుపు మేరకు సాయం చేసినట్లు తెలుస్తోంది. రేణూ స్థాపించిన ‘శ్రీ ఆద్య యానిమల్ షెల్టర్’ మూగజీవాలను రెస్క్యూ చేస్తుంటుంది. రేణూ చేస్తున్న ఈ మంచి పనికోసం తన పెంపుడు కుక్క రైమ్ పేరిట రెస్య్కూ వ్యాన్ కొనుగోలుకు ఉపాసన సాయం చేశారట. అందుకు ‘థాంక్యూ
రైమ్, ఉపాసన’ అని రేణూదేశాయ్ ఇన్ స్టాలో పోస్టు పెట్టారు.
