టాలీవుడ్ నటుడు మంచు మోహన్ బాబు పరారీలో ఉన్నట్టు పోలీసులు పేర్కొంటున్నారు. జర్నలిస్టుల పై దాడి ఘటన లో మోహన్ బాబు పై హత్యాయత్నం కేసు నమోదైన విషయం తెలిసిందే. ఈ కేసులో తనకు ముందస్తు బెయిల్ మంజూరు చేయాలని తదుపరి దర్యాప్తు చేపట్టకుండా పోలీసులకు ఆదేశాలు ఇవ్వాలని హైకోర్టు పిటిషన్ దాఖలు చేశారు. ఈ పిటిషన్ పై విచారణ చేపట్టిన కోర్టు.. అభ్యర్థనను కొట్టివేసింది.
ఈ నేపథ్యంలో మోహన్ బాబును అరెస్ట్ చేయడానికి పోలీసులు ఆయన ఇంటికి వెళ్లగా ఆయన ఇంట్లో లేరు. పరారీలో ఉన్న మోహన్ బాబు కోసం 5 చోట్ల పోలీసులు గాలింపు చర్యలు చేపట్టగా.. ఎక్కడా ఆయన ఆచూకి లభించలేదని పోలీసులు తెలిపారు. మూడు రోజుల క్రితం మోహన్ బాబు ఇంటి వద్ద ఉద్రిక్తత వాతావరణం చోటు చేసుకుంది. ఫ్యామిలీ వివాదం, కేసుల నేపథ్యంలో న్యూస్ కవర్ చేసేందుకు మోహన్ బాబు ఇంటి వద్దకు వెల్లిన కొందరూ జర్నలిస్టులపై ఆయన ఆగ్రహం వ్యక్తం చేశారు. లోగోలు లాక్కొని దాడి చేశారు. పహాడీ షరీప్ పోలీస్ స్టేషన్ లో హత్యాయత్నం కేసు నమోదైంది.
