తెలంగాణ తొలి ముఖ్యమంత్రి కేసీఆర్ గురించి ప్రత్యేకంగా చెప్పాల్సిన అవసరమే లేదు. ముఖ్యంగా 2023 డిసెంబర్ 06న కాంగ్రెస్ విజయం సాధించినప్పటి నుంచి కేవలం ఒకే ఒక్కసారి మాత్రమే అసెంబ్లీకి హాజరయ్యారు. మరోసారి నల్గొండ సభలో పాల్గొన్నారు. కేవలం ఫాం హౌస్ కే పరిమితమయ్యారు. పలువురు నేతలు ఫాంహౌస్ లో కేసీఆర్ ను కలుస్తున్నారు.
తాజాగా జహీరాబాద్ BRS కార్యకర్తలతో కేసీఆర్ సమావేశం అయ్యారు. ఎర్రవల్లి ఫామ్ హౌస్ లో కార్యకర్తలతో భేటీ అయ్యారు మాజీ సీఎం కేసీఆర్. కేసీఆర్ మళ్ళీ సీఎం కావాలని ఈ నెల 27న జహీరాబాద్ నుంచి ఎర్రవల్లికి పాదయాత్రగా వెళ్లారు కార్యకర్తలు. కార్యకర్తల పాదయాత్ర ఎర్రవల్లి చేరుకున్న సందర్భంగా కార్యకర్తలతో భేటీ అయ్యారు కేసీఆర్. సమావేశానికి హాజరయ్యారు మాజీ మంత్రి హరీష్ రావు, ఉమ్మడి మెదక్ జిల్లా BRS ఎమ్మెల్యేలు.
