భూమిపై మనం రోజుకు 24 గంటలు, సంవత్సరానికి 365 రోజులు అనే లెక్కలతో అలవాటు పడ్డాం. కానీ మన పొరుగు గ్రహమైన శుక్రుడు (వీనస్) వద్దకు వెళితే ఈ కాలమానం లెక్కలన్నీ తలకిందులవుతాయి. మీరు అక్కడ కాలు పెడితే, సూర్యుడు ఉదయించి, తిరిగి అస్తమించేలోపే మీరు ఒక పుట్టినరోజును పూర్తి చేసుకుంటారంటే నమ్మగలరా? సూర్యుడికి అతి దగ్గరగా, వేడి వాతావరణంలో ఉండే ఈ గ్రహంపై ఒక రోజు ఎందుకంత నెమ్మదిగా కదులుతుంది? ఈ ఆసక్తికరమైన అంతరిక్ష రహస్యాన్ని తెలుసుకుందాం.
శుక్రుడిపై ఒక రోజు: ఒక గ్రహంపై ఒక రోజు అంటే అది తన చుట్టూ తాను తిరగడానికి (భ్రమణం) పట్టే సమయం. ఒక సంవత్సరం అంటే అది సూర్యుడి చుట్టూ ఒకసారి తిరగడానికి (పరిభ్రమణం) పట్టే సమయం. సాధారణంగా, అన్ని గ్రహాల రోజులు వాటి సంవత్సరాల కంటే చాలా తక్కువగా ఉంటాయి. కానీ, వీనస్ విషయంలో ఈ లెక్క పూర్తిగా తిరగబడుతుంది. శుక్రుడిపై ఒక రోజు సుమారు 243 భూమి రోజులు.
శుక్రుడిపై ఒక సంవత్సరం: సుమారు 225 భూమి రోజులు అంటే మీరు శుక్ర గ్రహంపై ఉంటే, మీరు ఒక పూర్తి రోజును చూడకముందే సూర్యుడి చుట్టూ ఒక పూర్తి ప్రయాణాన్ని ముగిస్తారు ఈ విచిత్ర పరిస్థితికి ప్రధాన కారణాలు రెండు అవి అతి నెమ్మదిగా భ్రమణం, శుక్రుడు తన అక్షంపై చాలా నెమ్మదిగా తిరుగుతాడు. సౌర వ్యవస్థలోని ఇతర గ్రహాల కంటే ఇది చాలా నెమ్మదైన భ్రమణం. వ్యతిరేక భ్రమణం, శుక్రుడు తూర్పు నుండి పడమర దిశగా తిరుగుతాడు. మిగిలిన గ్రహాలన్నీ పడమర నుండి తూర్పుకు తిరుగుతాయి. దీని కారణంగా అక్కడ సూర్యుడు పడమర దిశలో ఉదయించి, తూర్పు దిశలో అస్తమిస్తాడు.
అంతరిక్ష అద్భుతం, వీనస్ యొక్క వాతావరణం, ఉష్ణోగ్రత మరియు దట్టమైన మేఘాల గురించే కాదు దాని కాలమానం కూడా సౌర వ్యవస్థలో ఒక అద్భుతం. ఈ గ్రహంపై దాదాపు ఎనిమిది నెలల కంటే ఎక్కువ కాలంపాటు సూర్యుడు అస్తమించకుండా ఉండటం, ఆ తర్వాత అదే కాలంపాటు చీకటిగా ఉండటం అక్కడ నివసించలేని పరిస్థితులను మరింత విచిత్రంగా మారుస్తాయి. ప్రకృతిలోని ఈ వైరుధ్యాలు అంతరిక్ష అధ్యయనం ఎంత ఆసక్తికరంగా ఉంటుందో నిరూపిస్తాయి.
