మన శరీరం నిరంతరం సక్రమంగా, ఉత్సాహంగా పనిచేయడానికి ఎలక్ట్రోలైట్స్ ‘కరెంట్’ లాగా సహాయపడతాయి. శరీరంలో నీటి సమతుల్యతను కాపాడటంతో పాటు నాడులు, గుండె, కండరాల కదలికలకు ఇవి చాలా ముఖ్యం. ఎలక్ట్రోలైట్స్ తగ్గితే అలసట, కండరాలు పట్టేయడం వంటి సమస్యలు వస్తాయి. మరి మన శరీరంలో ఎలక్ట్రోలైట్స్ సమతుల్యత దెబ్బతినకుండా ఉండేందుకు ఎలాంటి జాగ్రత్తలు తీసుకోవాలో, ఏ ఆహారం తీసుకోవాలో ఇప్పుడు వివరంగా చూద్దాం..
ఎలక్ట్రోలైట్స్ కోసం ఆహార నియమాలు: శరీరానికి అవసరమైన ప్రధాన ఎలక్ట్రోలైట్స్ ఆహారం ద్వారానే లభిస్తాయి. పొటాషియం కోసం అరటిపండ్లు, ఆవకాడో, బంగాళదుంపలు తీసుకోవాలి. మెగ్నీషియం కోసం ఆకుకూరలు, బాదం, నూనెగింజలు ఉపయోగపడతాయి. ఇక కాల్షియం కోసం పాలు, పెరుగు, ఇతర పాల ఉత్పత్తులు తీసుకోవాలి. ఆహారంలో తగినంత ఉప్పు మితంగా ఉండేలా చూసుకుంటే సోడియం అందుతుంది.
హైడ్రేషన్ మరియు జాగ్రత్తలు: రోజూ సరిపడా మంచి నీళ్లు తాగుతూ శరీరం డీహైడ్రేట్ కాకుండా చూసుకోవాలి. ఎండలో ఎక్కువగా తిరిగినప్పుడు లేదా తీవ్రమైన వ్యాయామం చేశాక ఓఆర్ఎస్ (ORS) లేదా ఎలక్ట్రోలైట్ పానీయాలు తాగడం మంచిది. ఇక ఒకవేళ అతిగా వాంతులు లేదా విరేచనాలు అయి శరీరం నీరసిస్తే ఏమాత్రం ఆలస్యం చేయకుండా వెంటనే వైద్యుడిని సంప్రదించాలి.
ఇక తగినన్ని నీళ్లు తాగుతూ, తాజా పండ్లు, ఆకుకూరలు ఉన్న సమతుల్య ఆహారాన్ని రోజూ తీసుకోవడం వల్ల ఎలక్ట్రోలైట్స్ లోపం రాకుండా కాపాడుకోవచ్చు. ఇక చిన్న చిన్న ఆరోగ్య సూత్రాలు పాటిస్తే ఎల్లప్పుడూ ఉత్సాహంగా, ఆరోగ్యంగా ఉండవచ్చు.
గమనిక: ఈ సమాచారం సాధారణ అవగాహన మరియు ఆరోగ్య నిపుణుల సూచనల ఆధారంగా అందించబడింది. ఎలక్ట్రోలైట్స్ లోపంతో తీవ్రమైన ఆరోగ్య సమస్యలు ఉన్నవారు సొంత వైద్యం చేయకుండా డాక్టర్ను సంప్రదించి తగిన చికిత్స పొందాలి.
