నా పేరు సూర్య తర్వాత అల్లు అర్జున్ తన తర్వాత సినిమాపై ఎలాంటి అప్డేట్ ఇవ్వలేదు. కొన్నాళ్లు విక్రం కుమార్ డైరక్షన్ లో సినిమా ఉంటుందని వార్తలు వచ్చినా ఆ సినిమా సెట్స్ మీదకు వెళ్లదని తేలింది. ఇక అరవింద సమేత తర్వాత త్రివిక్రం ఎలాగు ఖాళీ అయ్యాడు. అతనితోనే బన్ని సినిమా ఫిక్స్ చేసుకున్నాడని తెలుస్తుంది. డిసెంబర్ లో ఏకంగా ఈ సినిమా ముహుర్తం కూడా పెట్టేశారని తెలుస్తుంది.
డిసెంబర్ 11న త్రివిక్రం, బన్ని సినిమా మొదలు పెడుతున్నారట. జులాయి, సన్నాఫ్ సత్యమూర్తి సినిమాల తర్వాత ఈ క్రేజీ కాంబినేషన్ లో సినిమా వస్తుంది. కచ్చితంగా ఈ కాంబినేషన్ పై భారీ అంచనాలుంటాయి. సరైనోడుతో తన స్టామినా ఏంటో ప్రూవ్ చేసిన బన్ని డిజేతో సినిమాలో స్టఫ్ లేకున్నా తన క్రేజ్ మీద ఆడించాడు. మరి అరవింద తర్వాత త్రివిక్రం బన్నితో ఎలాంటి సినిమా చేస్తాడో ప్రస్తుతానికి అయితే సస్పెన్సే.
