ఈ కింది ఫొటోలో ఉన్న చిన్నారి ఇప్పుడు హీరోయిన్. సుశాంత్, రవితేజ సినిమాల్లో కథానాయికగా తెలుగు ప్రేక్షకులను పలకరించింది. త్వరలోనే అడివిశేష్ సినిమాతో రానుంది. ఇంతకీ ఈమె ఎవరో గుర్తుపట్టగలరా?
టాలీవుడ్ను ఎప్పటికప్పుడు కొత్త అందాలు పలకరిస్తూనే ఉంటాయి. తెలుగు చిత్రసీమ ఎప్పుడూ కొత్త హీరోయిన్లను పరిచయం చేస్తూనే ఉంటది. అలా ఎంతో మంది ముద్దుగుమ్మలు తమ అదృష్టాన్ని పరీక్షించుకుంటుంటారు. అలా ఈ పైన ఫొటోలో కనిపిస్తున్న చిన్నారి కూడా కొంతకాలం క్రితం టాలీవుడ్ను పలకరించిన హీరోయిన్.
2018లో ఫెమినా మిస్ ఇండియా విన్నర్గా, మిస్ గ్రాండ్ ఇంటర్నేషనల్ రన్నరప్గా నిలిచింది. అలా అక్కినేని సుశాంత్ హీరోగా వచ్చిన ఓ సినిమాలో హీరోయిన్గా చేసింది. సినిమా మిక్స్డ్ టాక్ తెచ్చుకున్నప్పటికీ ఈ అమ్మడు అందం, అభినయానికి మాత్రం మంచి మార్కులే పడ్డాయి. ఇంతకీ ఈమె మెరెవరో కాదు మీనాక్షి చౌదరి.
సుశాంత్ ‘ఇచ్చట వాహనములు నిలుపరాదు’ చిత్రంతో తెలుగు ప్రేక్షకులను పలకరించిన ఈ ముద్దుగుమ్మ.. ఆ తర్వాత మాస్ మహారాజా రవితేజ హీరోగా చేసిన ‘ఖిలాడీ’లో నటించి మెప్పించింది. మాస్ పాటకు స్టెప్పులేసింది. హాట్ హాట్ అందాలతో కుర్రాళ్ల మనసుల్ని కొల్లగొట్టింది. ప్రస్తుతం ఈమె హీరోయిన్గా చేసిన ‘హిట్-2’ విడుదల కావాల్సి ఉంది. అడివి శేష్ హీరోగా చేసిన ఈ థ్రిల్లర్ చిత్రం.. త్వరలోనే థియేటర్లలోకి రానుంది. తమిళంలోనూ ‘కొలై’ సినిమా చేసింది. ప్రస్తుతం మరిన్ని చిత్రాలు చేసేందుకు రెడీ అవుతోంది.
