సీతారామం.. హను రాఘవపూడి దర్శకత్వంలో మృణాల్ ఠాకూర్ హీరోయిన్ గా.. దుల్కర్ సల్మాన్ హీరోగా వచ్చిన చిత్రం ఇది.. సైలెంట్ గా వచ్చి సెన్సేషనల్ రికార్డు క్రియేట్ చేసింది. అంతేకాదు తెలుగు మార్కెట్ పై దండయాత్ర చేసిన ఈ సినిమా అద్భుతమైన విజయాన్ని సొంతం చేసుకుంది. అంతే కాదు దుల్కర్ కూడా ఈ సినిమాతో టాలీవుడ్ లో సోలో హీరోగా నిలబడ్డాడు. మృణాల్ కూడా ఈ సినిమా తర్వాత వరుస ఆఫర్లను అందుకుంటుంది. అంతేకాదు ఈ సినిమాలో స్పెషల్ క్యారెక్టర్ లో హీరోయిన్ రష్మిక కూడా నటించిన విషయం తెలిసిందే. డైరక్టర్ తరుణ్ భాస్కర్ కూడా రష్మిక తో కలిసి సినిమా ఇమేజ్ ను అమాంతం పెంచేశాడు.
ఇకపోతే గత కొన్ని సంవత్సరాలుగా వరుస ఫెయిల్యూర్ తో సతమతమవుతున్న హను రాఘవపూడి కి ఈ సినిమా మంచి ఊరట కలిగించిందని చెప్పాలి. విమర్శకుల ప్రశంసలు కూడా అందుకున్న ఈ సినిమా కలెక్షన్ల రికార్డులు సృష్టించడంతో పాటు ఇప్పుడు తాజాగా మరో అరుదైన ఘనత కూడా సాధించింది. ముఖ్యంగా ఇండియన్ యాక్టర్స్ ఎంతో ప్రతిష్టాత్మకంగా భావించే దాదాసాహెబ్ ఫాల్కే ఫెస్టివల్ అవార్డును సీతారామన్ సినిమా గెలుచుకుంది. దీంతో సినిమా మొత్తం సంబరాల్లో మునిగిపోయింది.
తాజాగా 13వ దాదాసాహెబ్ ఫాల్కే ఇంటర్నేషనల్ ఫిలిం ఫెస్టివల్ జరగగా అందులో స్పెషల్ జ్యూరీ క్యాటగిరిలో ఉత్తమ సినిమా కేటగిరీ లో అవార్డు అందుకుంది ఈ సినిమా. ఈ సినిమా ఇంత గొప్ప అవార్డు అందుకోవడంతో సినిమా మొత్తం సంబరాలు చేసుకుంటున్నారు. రికార్డ్ స్థాయిలో కలెక్షన్లతోపాటు ఇలా అరుదైన అవార్డులను కూడా చిత్ర బృందానికి పలువురు సెలబ్రిటీలు కూడా శుభాకాంక్షలు తెలియజేస్తున్నారు.
