ప్రముఖ నిర్మాత స్వప్న దత్త తాజాగా తను అర్జున్ రెడ్డి సినిమాను నిర్మించలేకపోయినందుకు చాలా బాధపడ్డానని చెప్పుకొచ్చారు. ఈ సినిమా కదా తనను ఎంతో ఆకట్టుకుందని కానీ సమాజాన్ని దృష్టిలో పెట్టుకొని ఈ సినిమా తీయలేకపోయానని తెలిపారు.
వైజయంతీ మూవీస్ వ్యవస్థాపకుడు అశ్విని దత్ కుమార్తెగా చలనచిత్ర రంగంలో అడుగుపెట్టిన స్వప్న దత్ 2000లో ఆజాద్ చిత్రానికి అసోసియేట్ ప్రొడ్యూసర్‌గా 18 ఏళ్ల వయస్సులో చలనచిత్ర నిర్మాణాన్ని ప్రారంభించింది. ఈ సినిమా అనంతరం తన తండ్రి అశ్వినీ దత్, సోదరి ప్రియాంక దట్ లతో కలిసి వైజయంతి మూవీస్ బ్యానర్ లో పలు చిత్రాలను నిర్మించారు. అయితే ఈమె తాజాగా తను నిర్మించిన సినిమాలపై ఆసక్తికర విషయాలు చెప్పుకొచ్చారు.
తాజాగా ఓ ఇంటర్వ్యూలో మాట్లాడిన స్వప్న దత్ అర్జున్ రెడ్డి సినిమా కథ తనని ఎంతగానో ఆకట్టుకుందని చెప్పుకొచ్చారు. అయితే సమాజాన్ని దృష్టిలో పెట్టుకొని ఈ సినిమాను తీయలేకపోయానని అన్నారు. ఈ సినిమా చేయాలని ముందు ఆశపడ్డాను అయితే ఒకవేళ సినిమా అటు ఇటు ఆడపిల్ల ఇలాంటి సినిమా చేసిందా అని విమర్శిస్తారని భయపడ్డాను. అంటూ తెలిపారు ఇప్పటికే ఆ సినిమాను నిర్మించలేకపోయినందుకు బాధపడుతూ ఉంటానని చెప్పుకొచ్చారు. అలాగే ‘పెళ్లి చూపులు’ సినిమా ఫార్మాట్ భిన్నంగా ఉండడంతో తనకు అర్థం కాలేదని, అందుకే ఆ సినిమాపై తాను ఆసక్తి చూపించలేదన్నారు.
కాగా కెరియర్ పరంగా ఎన్నో ఎత్తుపల్లాలు చూసానని.. ఓ ఛానల్ ప్రారంభించి విఫలం అవ్వడంతో ఎన్నో విమర్శలు ఎదుర్కొన్నానని తెలిపారు. ఆ ఛానల్ లో పనిచేస్తున్న ఉద్యోగుల కోసం కొన్నాళ్లు ఇబ్బందులు ఎదురైనా నడిపినప్పటికీ ఆ తర్వాత తన వల్ల కాకపోవడంతో మూసేసానంటూ చెప్పుకొచ్చారు. అయితే ప్రస్తుతం తన జీవితంలో ఆనందంగానే ఉన్నానని మళ్లీ కమ్ బ్యాక్ అవటానికి ప్రేక్షకులే ఎంతగానో సహాయం చేశారని తెలిపారు.
