మెగా బ్రదర్ నాగబాబు కొన్ని రోజుల క్రితం జబర్దస్త్ స్థో నుంచి తప్పుకున్న సంగతి తెలిసిందే. ఆ తర్వాత నాగబాబు మరో లీడింగ్ ఎంటర్ టైన్మెంట్ ఛానల్ లో జబర్దస్త్ తరహాలోనే అదిరింది అనే షో ప్రారంభించారు. నాగబాబు జడ్జిగా మరో కొత్త కామెడీ షో అనగానే మంచి పబ్లిసిటీ వచ్చింది. కానీ చెప్పాలంటే కంటెంట్ పరంగా ఈ షో జబర్దస్త్ స్థాయిలో నిలవ లేకపోయింది. నిజానికి జబర్దస్త్ దర్శకులు నితిన్, భరత్ లే ఈ షోకు దర్శకులు అయినా చానాళ్ళ పాటు ఈ షోకి ఆదరణ దక్కలేదు.
ఇప్పుడిప్పుడే ఈ అదిరింది షోకు ఆదరణ పెరుగుతోంది. ఇప్పుడు ఈ షోకి యాంకర్స్ గా భానుశ్రీ, రవిలు ఉన్నారు. కానీ అనుకోకుండా యాంకర్ రవి ఈ టీమ్ కి షాక్ ఇచ్చినట్టు తెలుస్తోంది. ఆయన ఈ షో నుండి బయటకు వచ్చేసినట్టు తెలుస్తోంది. దీంతో ఎందుకైనా మంచిదని శ్రీముఖిని లైన్ లో పెట్టారట. ఈ విషయం తెలిసి భానుశ్రీ కూడా ఈ షో నుండి బయటకు వెళ్లేందుకు రెడీ అయిందని తెలుస్తోంది. నిజానికి ముందు ఈ షోకి సమీరా యాంకరింగ్ చేసింది. ఎందుకో ఏమో ఆమెను మార్చి భానుశ్రీని ఎంటర్ చేశారు. ఇప్పుడు తాను తెచ్చిన వాళ్ళే తనకి హ్యాండ్ ఇవ్వడం నాగబాబుకి భారీ షాక్ అనే చెప్పాలి.
