తెలుగు ప్రేక్షకులు ఎంతగానో ఎదురుచూస్తున్న బిగ్ బాస్ సీజన్-7 త్వరలోనే వచ్చేస్తోంది. ఈ క్రమంలోనే తాజాగా ఈ సీజన్కు సంబంధించి ఓ ప్రొమో విడుదలై ఆకట్టుకుంటోంది. అయితే సీజన్-7 హోస్టుగా ఎవరొస్తారో అని ఇన్నాళ్లూ బుర్రలు బద్ధలు కొట్టుకున్న ప్రేక్షకులకు ఈ ప్రోమో ద్వారా హోస్టు ఎవరో తెలిసిపోయింది. ఇందులో టాలీవుడ్ స్టార్ హీరో, ప్రోగ్రాం హోస్ట్ అక్కినేని నాగార్జున కనిపించి ప్రేక్షకులను అలరించారు. అయితే ఈ సారి రొటీన్కు భిన్నంగా ఓ కొత్త కాన్సెప్ట్తో రానున్నట్లు ఆయన ఓ హింట్ ఇచ్చారు. ‘కుడి ఎడమైతే పొరపాటు లేదోయ్‌’ అంటూ ఈ షో పై ఆడియన్స్కు మరింత ఆసక్తి పెంచారు.
గత సీజన్లకు వ్యాఖ్యాతగా వ్యవహరించిన నాగార్జున.. ఈ సీజన్కు రాకపోవచ్చన్న వార్తలు సైతం నెట్టింట హల్చల్ చేశాయి. అయితే వాటన్నింటికి ఈ తాజా ప్రోమోతో చెక్ పెట్టినట్లు అయ్యింది. మొద‌టి సీజన్కు యంగ్ టైగ‌ర్ ఎన్టీఆర్, రెండో సీజన్కు నేచురల్ స్టార్ నాని హోస్ట్గా చేయ‌గా.. 3, 4, 5, 6 సీజన్లకు నాగార్జునే హోస్టుగా అలరించారు. ఇప్పుడు సీజన్-7కు కూడా ఆయనే హోస్ట్గా వచ్చి సందడి చేయనున్న విషయం కన్ఫార్మ్ అయ్యింది.
Everything you think you know about Bigg Boss is about to be revolutionized! Are you ready for this season, with your most favorite @iamnagarjuna ?! Confused? Excited? Stay tuned to find out more about #BiggBossTelugu7 pic.twitter.com/tvlpNtD1qt
— Starmaa (@StarMaa) July 18, 2023
