చిన్న సినిమాగా మొదలై.. మొదట్నుంచీ ప్రేక్షకుల్లో హైప్ను క్రియేట్ చేసిన సినిమా హనుమాన్. జనవరి 12వ తేదీ థియేటర్లలో విడుదలైన ఈ చిత్రం బ్లాక్ బస్టర్ టాక్ను సొంతం చేసుకుంది. తేజ సజ్జా యాక్టింగ్, గ్రాఫిక్స్‌, బీజీఎం, కంటెంట్, స్క్రీన్ ప్లై, ట్విస్టులు, ఎలివేషన్స్ ఇలా ప్రతి ఒక్కటి ఈ సినిమా చూసేందుకు ప్రేక్షకులను మళ్లీ మళ్లీ థియేటర్లకు రప్పిస్తోంది. సూపర్ రెస్పాన్స్ అందుకుంటున్న సూపర్ హీరో మూవీ ‘హనుమాన్’ బాక్స్ ఆఫీస్ వద్ద కూడా మంచి వసూళ్లు రాబడుతోంది.
తొలి రోజున థియేటర్లు ఎక్కువగా లేకపోవడంతో సాధారణ వసూళ్లు సాధించిన హనుమాన్ రెండో రోజు మాత్రం జోరు చూపించింది. వసూళ్లలో ఏకంగా 55.65% పెరుగుదల కనబరిచినట్లు ట్రేడ్ వర్గాలు చెబుతున్నారు. శనివారం(జనవరి 13) రూ. 12.53 కోట్ల వరకు వసూలు చేసిందని.. ఇందులో తెలుగు వెర్షన్ నుంచి రూ. 8.4 కోట్లు, హిందీ వెర్షన్ రూ. 4.13 కోట్లు వచ్చినట్లు వెల్లడించారు. ఇక దేశవ్యాప్తంగా ఈ సినిమా ఇప్పటి వరకు రూ. 14.05 కోట్ల గ్రాస్, ఓవర్సీస్లో రూ. 9.45 కోట్ల గ్రాస్తో మొత్తంగా వరల్డ్ వైడ్గా రూ.23.5 కోట్లు కలెక్ట్ చేసినట్లు సమాచారం.
