కల్కి 2898 ఏడీ మూవీ రిలీజ్ డేట్ దగ్గర పడేకొద్ది హైప్ పెరుగుతూ వస్తోంది. ఇటీవల రిలీజ్ అయిన ట్రైలర్‌ తర్వాత ఈ మూవీపై అంచనాలు మరింత పెరిగాయి. అయితే ఈ సినిమాలోని ఫస్ట్ సింగిల్ కోసం అభిమానులు ఎదురుచూస్తున్న నేపథ్యంలో భైరవ ఆంథమ్ పేరుతో రెండు రోజుల క్రితం(జూన్ 15వ తేదీన) మేకర్స్ ప్రోమోను విడుదల చేసిన విషయం తెలిసిందే. అయితే ఇక ఇప్పుడు ఫుల్ సాంగ్ను రిలీజ్ చేశారు.
పంజాబీ స్టైల్లో సాగే ఈ పాట హూషారెత్తిస్తోంది. ఇందులో పంజాబీ లిరిక్స్ ఉన్నాయి. ఈ సాంగ్ను పంజాబీ స్టార్ సింగర్ దిల్జీత్ దోసంజ్ పాడారు. పాడటంతో పాటు ఈ పాట వీడియోలో ప్రభాస్తో కలిసి దిల్జీత్ స్టెప్పులేశారు. సాంగ్ మంచి బీట్‍తో ఆకట్టుకుంది. సంతోష్ నారాయణ్ ఈ పాటకు మంచి ట్రెండీ ఫాస్ట్ బీట్ ఇచ్చినట్టు అనిపిస్తోంది. ఇక ఈ సాంగ్ చివరలో ప్రభాస్ కూడా దిల్జీత్తో కలిసి పంజాబీ సర్దార్ వేషధారణలో కనిపించి సందడి చేశారు.
