పాన్ఇండియా స్టార్ ప్రభాస్ ‘కల్కి AD 2898’ మూవీ విడుదలైన రోజు నుంచి కలెక్షన్లు వర్షం కురిపిస్తోంది. ఈ సినిమా పబ్లిక్ టాక్ కూడా సూపర్ గా ఉంది. విడుదలై పదిహేను రోజులు దాటినా ఇంకా థియేటర్లు హౌజ్ ఫుల్ గానే ఉంటున్నాయి. మరోవైపు ఈ సినిమా బాక్సాఫీస్ వద్ద రికార్డులు సృష్టిస్తూ దూసుకెళ్తోంది. రీసెంట్గా వరల్డ్ వైడ్గా రూ.1000 కోట్ల మార్క్ క్రాస్ చేసింది.
వసూళ్లలో ప్రభంజనం సృష్టించిన కల్కి తాగాజా మరో ఘనత సాధించింది. రిలీజైన మూడు వారాల్లోనే రాజమౌళి బ్లాక్బస్టర్ ‘ఆర్ఆర్ఆర్’ సినిమా హైదరాబాద్ లో ఫుల్ రన్ కలెక్షన్లను దాటేసి రికార్డు కొట్టింది. ‘ఆర్ఆర్ఆర్’ హైదరాబాద్ నేషనల్ మల్టీప్లెక్స్ ఫుల్ కలెక్షన్లు రూ. 30.25కోట్లు కాగా, ఇదే రీజినల్లో ‘కల్కి’ ఇప్పటికే రూ. 33.50కోట్లు వసూల్ చేసింది. 3 వారాల్లోనే ఆర్ఆర్ఆర్ కంటే కల్కి దాదాపు రూ.3 కోట్లు అధికంగా వసూళ్లు సాధించింది. ఇప్పటికీ కల్కి జోరు కొనసాగుతున్నందున ఈ కలెక్షన్లు మరింత పెరుగుతాయి. హైదరాబాద్ మల్టీప్లెక్స్లో రూ.40కోట్ల మార్క్ టచ్ చేయడం ఖాయమని ట్రేడ్ వర్గాలు అంచనా వేస్తున్నాయి.
