విశ్వనటుడు కమల్ హాసన్ తన అభిమానులకు గుడ్ న్యూస్ చెప్పారు. తాను నటిస్తున్న మూడు సినిమాల అప్డేట్స్ను ఫ్యాన్స్తో పంచుకున్నారు. తాను కల్కి, థగ్ లైఫ్, ఇండియన్-2 సినిమాల్లో నటిస్తున్నట్లు తాజాగా ఓ ఆంగ్ల పత్రికకు ఇచ్చిన ఇంటర్వ్యూలో చెప్పారు. ఈ సందర్భంగా కమల్ హాసన్ మాట్లాడుతూ మంచి సినిమాను అందించడం కోసం చిత్ర బృందాలు ఎప్పుడూ తాపత్రయపడుతుంటాయని అన్నారు. సినిమా ఆలస్యమైనా క్వాలిటీ విషయంలో కాంప్రమైజ్ కావడం లేదని చెప్పుకొచ్చారు.
‘‘ఇండియన్2, ‘ఇండియన్3’ రెండింటి షూటింగ్ పూర్తి చేశామని చెప్పిన కమల్.. ప్రస్తుతం ‘ఇండియన్2’ పోస్ట్‌ ప్రొడక్షన్‌ వర్క్ జరుగుతోందని తెలిపారు. ఇక ఎన్నికల తర్వాత మణిరత్నం ‘థగ్ లైఫ్’ షూటింగ్ స్టార్ట్ చేస్తామని చెప్పారు. మరోవైపు ‘కల్కి 2898 ఏడీ’లో తాను అతిథి పాత్రలో నటిస్తున్నట్లు చెప్పిన కమల్ హాసన్ తన పాత్ర షూటింగ్ పూర్తయిందని వెల్లడించారు. ఇక ఇవే కాకుండా శ్రుతిహాసన్‌, దర్శకుడు లోకేశ్‌ కనగరాజ్‌ల స్పెషల్ సాంగ్‌ ఇనిమేల్కు కమల్ వర్క్ చేశారు. ఈ పాటకు ఆయన లిరిక్స్‌ అందించారు.
