తమిళనాడులోని వేలూర్‌ నియోజక వర్గ స్వతంత్ర అభ్యర్థి, నటుడు మన్సూర్ అలీ ఖాన్‌ అస్వస్థతకు గురయ్యారు. బుధవారం రోజున ప్రచారానికి చివరి రోజు కావడంతో ముమ్మరంగా ఓట్లు అభ్యర్థించారు. ఆ సమయంలో అకస్మాత్తుగా అస్వస్థతతకు గురవ్వడంతో వెంటనే గుడియాత్తంలోని ప్రైవేట్‌ ఆస్పత్రికి తరలించారు. ఈ విషయం ఆలస్యంగా వెలుగులోకి వచ్చింది.
చికిత్స తర్వాత గుడియాత్తం నుంచి చెన్నై కేకేనగర్‌లోని ప్రైవేట్‌ ఆస్పత్రికి తరలించారు. ప్రస్తుతం ఆయన ఐసీయూలో చికిత్స పొందుతున్నారు. అయితే తనకు పండ్ల రసంలో ఎవరో విషం కలిపి ఇచ్చారని మస్సూర్‌ అలీఖాన్‌ ఓ ప్రకటన విడుదల చేయడం గమనార్హం. గుడియాత్తం సంత నుంచి ఇంటికి బయలు దేరుతున్నప్పుడు దారిలో కొందరు పండ్ల రసం, మజ్జిగ ఇచ్చారని మన్సూర్ తన ప్రకటనలే పేర్కొన్నారు. ఆ జూస్ తాగిన కొద్ది నిమిషాలకే కళ్లు తిరిగి గుండెల్లో నొప్పి వచ్చిందని తెలిపారు. ప్రస్తుతం చెన్నైలోని ఆస్పత్రిలో చికిత్స పొందుతున్నానని పేర్కొన్నారు. తన అభిమానులెవరూ ఆందోళన చెందవద్దని ప్రస్తుతం తాను బాగానే ఉన్నానని చెప్పారు.
