టాలీవుడ్ హ్యాండ్సమ్ హీరో అక్కినేని నాగచైతన్య ధూత సినిమాతో డిజిటల్ వరల్డ్లోకి ఎంట్రీ ఇస్తున్న విషయం తెలిసిందే. సాధారణంగా చై చాలా సిగ్గరి. సినిమా ప్రమోషన్స్ కోసం తప్ప దాదాపుగా ఆయన సోషల్ మీడియాలో ఎక్కువగా యాక్టివ్గా ఉండడు. తన పర్సనల్ విషయాలు కూడా ఎక్కువగా షేర్ చేసుకోవడానికి ఇష్టపడడు. అలాంటి చై తాజాగా యూట్యూబ్ వరల్డ్లోకి ఎంట్రీ ఇచ్చాడు. యూట్యూబ్లో ఓ ఛానెల్ స్టార్ట్ చేశాడు. అక్కినేని నాగచైతన్య పేరుతో యూట్యూబ్ ఛానెల్ను ప్రారంభించిన చై.. శుక్రవారం రోజున అందులో తొలి వీడియో షేర్ చేశాడు. హాయ్ యూట్యూబ్ అంటూ తన అభిమానులకు తన ఛానెల్ను పరిచయం చేశాడు.
ఈ వీడియోలో చై అభిమానులు అడిగిన ప్రశ్నలకు సమాధానమిచ్చాడు. ఓ నెటిజన్ జుట్టు, గడ్డం పెంచడానకి రీజన్ ఏంటి అని అడగ్గా.. ఆరు నెలలుగా పని లేక ఖాళీగా ఇంట్లో కూర్చున్నానని.. అందుకే పెంచానని సరదాగా చెప్పుకొచ్చాడు. ఆ తర్వాత చందూ మొండేటి దర్శకత్వంలో తాను నటిస్తున్న ఓ సినిమా కోసం పెంచినట్లు అసలు సంగతి తెలిపాడు.
