టాలీవుడ్ హీరో నాగచైతన్య-సాయిపల్లవి కాంబినేషన్ లో గీతా ఆర్ట్స్ 2 బ్యానర్ పై బన్నివాసు నిర్మిస్తున్న భారీ బడ్జెట్ మూవీ తండేల్. నిజ జీవిత కథగా జరిగిన ఓ సంఘటనను ఆధారంగా చేసుకుని తెరకెక్కిస్తున్నారు డైరెక్టర్ చందు మొండేటి. శ్రీకాకుళం నుంచి గుజరాత్ వెళ్లి అక్కడి తీరంలో చేపలు పట్టేందుకు వెళ్లిన కొందరూ యువకులు పాక్ నేవి సిబ్బందికి చిక్కి పాకిస్తాన్ జైలులో శిక్ష అనుభవించాల్సి వస్తుంది. ఆ సమయంలో ప్రియురాలు శ్రీకాకుళంలో ఉండటంతో హీరో ఎలాంటి ఇబ్బందులు పడ్డాడు..? పాకిస్తాన్ జైలు నుంచి ఎలా బయటికి వచ్చారనే ఆసక్తిరమైన విషయాలను ఈ చిత్రంలో చూపించనున్నట్టు సమాచారం.
వాస్తవానికి ఈ సినిమాను క్రిస్మస్ పండుగకు తీసుకురావాలని మేకర్స్ నిర్ణయించారు. కానీ సమయానికి వర్క్ పూర్తి కాలేదు. దీంతో సంక్రాంతి పండుగకు అనుకుంటే.. పోటీ సినిమాలతో సమస్య వచ్చింది. దీంతో ఇప్పుడు ఫిబ్రవరి 07న విడుదల చేస్తున్నారని తాజాగా ప్రెస్ మీట్ లో అధికారికంగా అల్లు అరవింద్ ప్రకటించారు. ఈ సినిమాలో నాగ చైతన్య డిఫరెంట్ రోల్ లో కనిపించనున్నారు. మరోవైపు తండేల్ మూవీ పై నిర్మాత బన్నీవాస్ చాలా నమ్మకంగా ఉన్నారు. అందుకే నాగచైతన్య మీద రూ.70కోట్లకు పైగా ఖర్చు చేశారు. అందుకే సోలోగా రిలీజ్ చేసుకునేందుకు ప్లాన్ చేశారు మేకర్స్.
