జయాపజయాలతో సంబంధం లేకుండా ఎప్పటికప్పుడు వైవిధ్య కథలను ఎంచుకుంటూ ప్రేక్షకులను అలరిస్తుంటాడు నారా రోహిత్. ఆయన నుంచి సినిమా వచ్చి చాలా ఏళ్లయింది. చాలా గ్యాప్ తర్వాత మళ్లీ రోహిత్.. ఓ పొలిటికల్ డ్రామాతో ప్రేక్షకుల ముందుకు వస్తున్నాడు. 2014లో పొలిటికల్ థ్రిల్లర్ ‘ప్రతినిధి’ సంచలన విజయం సాధించిన విషయం తెలిసిందే. ఈ సినిమాకు సీక్వెల్ గా ‘ప్రతినిధి 2’తో నారా రోహిత్ ప్రేక్షకుల ముందుకు రాబోతున్నాడు. ఈ విషయాన్ని తెలియజేస్తూ ఓ కొత్త పోస్టర్ ను రిలీజ్ చేశారు. ‘ఒక వ్యక్తి అన్ని అసమానతలకు వ్యతిరేకంగా నిలబడతాడు’ అని క్యాప్షన్ రాసుకొచ్చారు’.
పోస్టర్లో హీరో నారా రోహిత్ చేయి పైకెత్తి కనిపిస్తున్నారు. తాను ప్రశ్నించేందుకు సిద్ధంగా ఉన్నట్టు కనిపించారు. ఈ చిత్రానికి ప్రముఖ జర్నలిస్ట్ మూర్తి దర్శకత్వం వహించనుండటం మరో విశేషం. వానరా ఎంటర్టైన్మెంట్స్ బ్యానర్‌పై.. కుమారరాజా బత్తుల, ఆంజనేయులు శ్రీ తోట, కొండకళ్ల రాజేందర్ రెడ్డి సినిమాను నిర్మిస్తున్నారు. మహతి స్వర సాగర్ సంగీతం అందిస్తుండగా.. నాని చమిడిశెట్టి సినిమాటోగ్రాఫీ బాధ్యతలు చూస్తున్నారు. రవితేజ గిరిజాల ఈ సినిమాకు ఎడిటర్గా వ్యవహరిస్తున్నారు. కిరణ్ కుమార్ మన్నె ఆర్ట్ డైరెక్టర్. కాగా ఈ సినిమా వచ్చే ఏడాది జనవరి 25న ప్రపంచవ్యాప్తంగా విడుదల కానుంది.
He is back as Prathinidhi Once again! 🔥
The Script Master @IamRohithNara’s #Prathinidhi2 First Look is here.
Jan 25th, 2024 Release💥
Directed by @murthyscribe 🎬
A @SagarMahati Musical 🎹@Nchamidisetty @TSAnjaneyulu1 @actorkumarraza @VanaraEnts #Pratinidhi2 #HBDNaraRohith pic.twitter.com/Bl4WuLgXqd
— Vanara Entertainments (@VanaraEnts) July 24, 2023
