టాలీవుడ్ యంగ్ నటుడు రాజ్ తరుణ్ – లావణ్య వ్యవహారం రోజుకో మలుపు తిరుగుతోంది. ప్రస్తుతం రాష్ట్రంలో హాట్ టాపిక్గా మారిన ఈ కేసులో రోజుకో విషయం బయటపడుతోంది. అయితే ఇప్పటికే ఈ వ్యవహారంలో లావణ్య ఫిర్యాదుతో పోలీసులు రాజ్ తరుణ్, మాల్వీ మల్హోత్రా ఆమె సోదరుడిపై కేసు నమోదు చేసిన విషయం తెలిసిందే.
తాజాగా ఈ వ్యవహారంలో రాజ్తరుణ్కు నార్సింగి పోలీసులు నోటీసులు జారీ చేశారు. ఈ నెల 18వ తేదీ లోగా తమ ఎదుట హాజరు కావాలని నోటీసుల్లో పోలీసులు పేర్కొన్నారు. బీఎన్ఎస్ఎస్ 45 కింద రాజ్తరుణ్కు నార్సింగి పోలీసులు నోటీసులు ఇచ్చారు.
మాల్వీ వల్లే రాజ్ తనను దూరం పెట్టాడని లావణ్య తన ఫిర్యాదులో పేర్కొంది. మాల్వీ ఆమె సోదరుడు తనను బెదిరించారని, అనవసరంగా డ్రగ్స్ కేసులో తనను ఇరికించారని ఆరోపించింది. మరోవైపు అసలు రాజ్కు తనకు వృత్తిరీత్యా సంబంధమే తప్ప వ్యక్తిగతంగా సంబంధాలు లేవని మాల్వీ మల్హోత్రా పోలీసులకు తెలిపింది.
