మెగాస్టార్ చిరంజీవి కెరీర్ లో ఎక్కువగా చేసిన సినిమాలు మాస్ జోనర్ లో వచ్చినవే. ఇండస్ట్రీలో కంప్లీట్ మాస్ ఫాలోయింగ్ ఉంది ఇప్పటికీ మెగాస్టార్ చిరంజీవి కే అన్న సంగతి తెలిసిందే. అందుకే ఆయన నుంచి ప్రేక్షకులు ఎక్కువగా అలాంటి సినిమాలనే ఆశిస్తారు. ఇక ఈ విషయం చిరంజీవి కూడా చాలా సార్లు ఓపెన్ గా చెప్పారు. మనకి మాస్ ఆడియన్స్ లో ఉండే క్రేజే వేరు అని. ఇక చిరంజీవి రీ ఎంట్రీ ఇస్తూ చేసిన ఖైదీ నంబర్ 150 మళ్ళీ ఆయన స్టామినా ఏంటో చూపించింది. ఇప్పటికీ చిరంజీవి లో అదే జోష్, అదే ఎనర్జీ. ఇక డాన్స్ విషయంలోను ఏమాత్రం గ్రేస్ తగ్గలేదు.
అందుకే చిరంజీవి మంచి మాస్ సినిమా చేస్తే చూడాలని ప్రేక్షకులు ఆడపడుతున్నారు. ముఠామేస్త్రీ, రౌడి అల్లుడు లాంటి సినిమాలైతే మెగా ఫ్యాన్స్ బాగా ఎంజాయ్ చేస్తారు. అయితే అలాంటి సినిమాలు తీయాలంటే ఇప్పుడు ఒక్క పూరి జగనాధ్ కరెక్ట్ అని మెగా ఫ్యాన్స్ అభిప్రాయపడుతున్నారు. చిరంజీవి కోసం ఇంతకముందు పూరి జగన్నాధ్ ఆటోజాని అన్న టైటిల్ తో ఒక కథ అనుకున్నప్పటికి అతి కార్యరూపం దాల్చలేదు. దాంతో చిరంజీవి తో పూరి చేయాల్సిన సినిమా ఆగిపోయింది అని వార్తలు వస్తున్నాయి.
దానికి తోడు ఈ మధ్య చిరంజీవి సినిమాలు చేయాలనుకుంటున్న కొంతమంది డైరెక్టర్స్ పేర్లు చెప్పిన సంగతి తెలిసిందే. వాళ్ళలో పూరి పేరు లేకపోవడంతో ఇప్పుడు మెగా అభిమానులు పూరి జగన్నాధ్ తో ఒక మాస్ సినిమాలో నటించమని చిరంజీవికి చెబుతున్నారట. అదీకాక పూరి అయితే క్యారెక్టర్ డిజైన్ చేయడం గాని స్క్రీన్ మీద ఎనర్జీగా చూపించడం గాని ఎవరూ ఊహించని విధంగా ఉంటుందని అంటున్నారట. మరి చిరంజీవి ఇప్పుడైనా తన అభిమానులకోసం పూరి జగన్నాధ్ తో సినిమా చేస్తారో లేదా చూడాలి.
