పంజాబీ బ్యూటీ రకుల్ ప్రీత్ సింగ్ గురించి తెలియనివారుండరు. ఈ భామ తెలుగు, తమిళ భాషల్లో మంచి గుర్తింపుతెచ్చుకుని సూపర్ హిట్ సినిమాలు తీసి ఇప్పుడు బాలీవుడ్‌లో సెటిల్ అయింది. అక్కడి నటుడు, నిర్మాత జాకీ భగ్నానీతో ప్రేమలో పడింది. కొంతకాలంగా ప్రేమలో ఉన్న ఈ జంట త్వరలోనే పెళ్లి పీటలెక్కబోతోంది. ఫిబ్రవరి 21వ తేదీన గోవాలో డెస్టినేషన్ వెడ్డింగ్‌కు ఇప్పటికే అంతా రెడీ అయింది. ఈ వేడుకకు కుటుంబసభ్యులు, అతి కొద్దిమంది స్నేహితులు మాత్రమే హాజరుకానున్నట్లు సమాచారం. ఇప్పటికే ప్రీ వెడ్డింగ్ ఈవెంట్స్ షురూ కూడా అయ్యాయి.
అయితే తాజాగా రకుల్-జాకీల వివాహ ఆహ్వాన పత్రిక సోషల్ మీడియాలో వైరల్ అవుతోంది. ఈ ఇన్విటేషన్ చాలా డిఫరెంట్‌గా ఉందంటూ నెటిజన్లు కామెంట్లు పెడుతున్నారు. రకుల్, జాకీలకు కంగ్రాట్స్ చెబుతున్నారు. మరోవైపు ఇప్పటికే రకుల్-జాకీ తమ పెళ్లికి డిజైనర్లను కూడా లాక్‌ చేశారు. మూడు రోజుల పాటు వీరి వివాహ వేడుక జరగనుండటంతో రోజుకొక డిజైనర్ తయారుచేసిన దుస్తుల్ని ధరించబోతున్నారట. సబ్యసాచి, తరుణ్ తహిల్యానీ, మనీష్ మల్హోత్రా పెళ్లి దుస్తులు డిజైన్ చేశారట.
