ప్రముఖ దర్శకుడు శంకర్‌ పెద్ద కుమార్తె ఐశ్వర్య వివాహం సోమవారం ఘనంగా జరిగిన విషయం తెలిసిందే. అసిస్టెంట్‌ డైరెక్టర్ తరుణ్‌ కార్తీక్‌తో ఆమె వివాహ బంధంలోకి అడుగుపెట్టారు. పెళ్లి తర్వాత మంగళవారం రోజున సినీ ప్రముఖుల కోసం చెన్నైలో రిసెప్షన్ ఏ ర్పాటు చేయగా.. దక్షిణాదితోపాటు బాలీవుడ్‌కు చెందిన నటులు దీనికి హాజరయ్యారు.
చిరంజీవి-సురేఖ దంపతులు, మోహన్‌లాల్‌, అట్లీ, విజయ్‌ సేతుపతి, జాన్వీకపూర్‌, వెట్రీమారన్‌, లోకేశ్‌ కనగరాజ్‌, అనిరుధ్‌, రకుల్‌ ప్రీత్‌ సింగ్, రెహమాన్‌, రామ్‌చరణ్‌ హాజరై నూతన వధూవరులకు శుభాకాంక్షలు తెలిపారు. ఈ కార్యక్రమంలో రణ్వీర్ సింగ్ డ్యాన్స్‌తో అలరించారు. శంకర్‌ చిన్న కుమార్తె ఆదితితో కలిసి ‘లుంగీ డ్యాన్స్’, ‘వాతి కమింగ్‌’ పాటలకు స్టెప్పులేశారు. ప్రస్తుతం ఈ వీడియోలు వైరల్ అయ్యాయి. వైద్యురాలైన ఐశ్వర్యకు ఇది రెండో వివాహం. 2021లో క్రికెటర్‌ రోహిత్‌ దామోదరన్‌తో ఆమె వివాహం జరగగా.. పరస్పర అంగీకారంతో వారు విడాకులు తీసుకున్నారు. ఇక తరుణ్‌ కార్తీక్‌.. శంకర్‌ సినిమాలకూ సహాయ దర్శకుడిగా పని చేస్తున్నారు.
