వకీల్ సాబ్ మరియు భీమ్లా నాయక్ వంటి వరుస సూపర్ హిట్ సినిమాల తర్వాత పవన్ కళ్యాణ్ ప్రముఖ దర్శకుడు క్రిష్ తో ‘హరి హర వీరమల్లు’ అనే సినిమా చేస్తున్న సంగతి మన అందరికి తెలిసిందే. కెరీర్ లో మొట్టమొదటిసారి పవన్ కళ్యాణ్ పీరియాడిక్ జానర్ లో సినిమా చేస్తుండడంతో ఆయన అభిమానులు మాత్రమే కాదు..ఇతర హీరోల అభిమానులు కూడా ఈ సినిమా కోసం ఎంతో ఆతృతగా ఎదురు చూస్తున్నారు.
పవన్ కళ్యాణ్ తో ఖుషి వంటి ఇండస్ట్రీ హిట్ సినిమాని నిర్మించిన AM రత్నం గారు ఈ సినిమాని కూడా సుమారు 200 కోట్ల రూపాయిల భారీ బడ్జెట్ తో తెరకెక్కిస్తున్నారు. హాలీవుడ్ కి చెందిన ఎంతో మంది టెక్నిషియన్స్ ఈ సినిమా కోసం పని చేస్తున్నారు..పవన్ కళ్యాణ్ కెరీర్ లోనే భారీ బడ్జెట్ తో తెరకెక్కుతున్న ఈ సినిమాని పాన్ ఇండియా లెవెల్ లో అన్ని ప్రాంతీయ బాషలలో విడుదల చెయ్యడానికి సన్నాహాలు చేస్తున్నారు. ఈ సినిమాలో పవన్ కళ్యాణ్ సరసన నిధి అగర్వాల్ హీరోయిన్ గా నటిస్తోంది. అయితే తాజాగా ఈ సినిమా షూటింగ్‌ జరుగుతున్న నేపథ్యంలో.. పవన్ కళ్యాణ్ పిక్‌ వైరల్‌ గా మారింది. ఇందులో పవన్ కళ్యాణ్ గెటప్‌ చాలా బాగుంది. పాత కాలంలోని గెటప్‌ లో పవన్ కనిపించి.. అందరినీ ఫిదా చేస్తున్నారు.
from the sets of #HariHaraVeeraMallu ❤️🔥 pic.twitter.com/m0efE2kxgJ
— Supreme PawanKalyan FC™ (@SupremePSPK) December 9, 2022
