పాన్ ఇండియా స్టార్ ప్రభాస్ సినిమా అప్డేట్స్ కోసం చూసే ఫ్యాన్స్కు ఎప్పుడూ నిరాశే ఎదురవుతుంది. అయినా సరే అభిమానులు ఆయన మీదున్న ప్రేమతో ఓపికగా ఎదురుచూస్తుంటారు. అప్పుడప్పుడు అప్డేట్స్ లేట్ అవుతున్నాయని అర్థమైతే.. వాళ్లే ఫ్యాన్స్ ఎడిట్స్ చేసి నెట్టింట వదులుతుంటారు. అలా ప్రభాస్ లేటెస్ట్ మూవీ సలార్ విషయంలోనూ చేశారు. సలార్ చిత్రం ఎప్పుడెప్పుడు వస్తుందా అని ఎదురుచూస్తున్న ఫ్యాన్స్ రిలీజ్ డేట్ వాయిదా పడటంతో వాళ్లే ఓ రిలీజ్ డేట్ను ఫిక్స్ చేసి నెట్టింట వైరల్ చేశారు.
అయితే ఇప్పుడు అదే నిజమైంది. ఫ్యాన్స్ వైరల్ చేసిన రిలీజ్ డేట్నే అధికారికంగా ప్రకటించింది సలార్ టీమ్. డిసెంబర్‌ 22న ఈ చిత్రం విడుదల కానున్నట్లు తెలుపుతూ ట్వీట్‌ చేసింది. దీంతో ప్రభాస్ అభిమానులంతా సంబరపడుతున్నారు. మొదట ఈ సినిమాను సెప్టెంబర్‌ 28న విడుదల చేయాలని భావించినా కొన్ని కారణాల వల్ల రిలీజ్‌ను వాయిదా వేస్తున్నట్లు ప్రకటించడంతో ఫ్యాన్స్ నిరాశపడ్డారు. తాజాగా డిసెంబర్‌ 22న రానుందని తెలుపుతూ వారిలో మరోసారి ఉత్సాహాన్ని నింపింది ‘సలార్’ టీమ్. ప్రశాంత్ నీల్‌ దర్శకత్వంలో శ్రుతి హాసన్ కథానాయికగా ఈ సినిమా రాబోతోంది.
𝐂𝐨𝐦𝐢𝐧𝐠 𝐁𝐥𝐨𝐨𝐝𝐲 𝐒𝐨𝐨𝐧!#SalaarCeaseFire Worldwide Release On Dec 22, 2023.#Salaar #Prabhas #PrashanthNeel @PrithviOfficial @shrutihaasan @hombalefilms #VijayKiragandur @IamJagguBhai @sriyareddy @bhuvangowda84 @RaviBasrur @shivakumarart @vchalapathi_art @anbariv… pic.twitter.com/IU2A7Pvbzw
— Hombale Films (@hombalefilms) September 29, 2023
