అక్కినేని ఇంట కోడ‌లిగా అడుగుపెట్టిన త‌ర్వాత స‌మంత రేంజ్ మారిపోయింది. హీరోయిన్ గా క్రేజ్ ప్ల‌స్ అక్కినేని బ్రాండ్ తో మార్కెట్ లో కొన‌సాగుతోంది. స‌రిగ్గా అదే స‌మ‌యంలో యూ ట‌ర్న్ తో లేడీ ఓరియేంటెడ్ సినిమాల్లోకి అడుగు పెట్టిది. ఆ సినిమా అంచ‌నాల‌ను అందుకోలేక‌పోయినా న‌టిగా పాస్ అయింది. ఆ వెంట‌నే భ‌ర్త నాగ‌చైత‌న్య తో క‌లిసి మ‌జిలీ తో క్లాసిక్ హిట్ ను అందుకుంది. ఇక తాజాగా ఇటీవ‌లే విడుదలైన `ఓ బేబి`తో భారీ బ్లాక్ బాస్ట‌రే ఖాతాలో వేసుకుంది. ఈ హిట్ తో లేడీ ఓ రియేంటెడ్ సినిమాల‌కు ఏ మాత్రం తీసిపోన‌ని చాటి చెప్పింది. ఎలాంటి అంచ‌నాలు లేకుండా రిలీజ్ అయిన సినిమా బాక్సాఫీస్ వ‌ద్ద కాసుల వ‌ర్షం కురిపించింది.
40 కోట్ల‌కు పైగా వ‌సూళ్ల‌ను సాధించింది. స‌మంత న‌ట‌న, ఆహార్యం అన్నీ క‌లిసొచ్చాయి. ఈ నేప‌థ్యంలో స‌మంత పారితోషికం పెంచింద‌ని ఆమె మేనేజ‌ర్ నుంచి ఓ లీక్ అందింది. ఇప్ప‌టివ‌కూ కోటిన్న‌ర తీసుకున్న భామ అమాంతం డ‌బుల్ ఛార్జ్ చేస్తోందిట. అంటే ఇక‌పై ఏ సినిమాకైనా 3 కోట్లు చెల్లించాల్సిందేన‌ని కొత్త ప్ర‌తిపాద‌న తీసుకొచ్చిందన్న మాట. అడ్వాన్స్ గానే కోటి రూప‌యాలు చెల్లించాలంటోందిట. `ఓ బేబి` స‌క్సెస్ తోనే ఇంత హైక్ కి చేరుకుంద‌ని తెలుస్తోంది. దీంతో స‌మంత పారితోషికం అందుకోవ‌డంలో టాప్ -2కి చేరుకుంది.
ఐదు కోట్ల పారితోషికంతో న‌య‌న‌తార మొద‌టి స్థానంలో ఉంది. ఆ త‌ర్వాతి స్థానం 3 కోట్ల‌తో అక్కినేని కోడ‌లిదేన‌ని నిపుణులు అంటున్నారు. స్వీటీ అనుష్క మొన్న‌టి వ‌ర‌కూ 2 కోట్ల పారితోషికంతో రెండ‌వ స్థానంలో ఉండేది. `బాహుబ‌లి`, `భాగ‌మ‌తి` లాంటి బ్లాక్ బ‌స్ట‌ర్లు ఉన్నా త‌ర్వాతి సినిమాల విష‌యంలో అమ్మ‌డు రూపాయి కూడా అద‌నంగా పెంచ‌లేదు. కానీ సామ్ ఒక్క స‌క్సెస్ తోనే పారితోషికం రెట్టింపు చేసేసింది. ఈ విషయం తెలిసిన స్వీటీ కూడా షాకైందిట.
