టాలీవుడ్ స్టార్ హీరోయిన్ సమంత.. ఓవైపు ఖుషి సినిమా.. ఇంకోవైపు సిటడెల్ వెబ్సిరీస్ షూటింగులతో బిజీగా ఉంది. ఎంత బిజీగా ఉన్నా.. సోషల్ మీడియాలో మాత్రం ఫుల్ యాక్టివ్గా ఉంటోంది. తాజాగా ఈ బ్యూటీ సిటడెల్ వెబ్ సిరీస్కు సంబంధించి ఓ అప్డేట్ను తన సోషల్ మీడియా ఖాతాలో షేర్ చేసింది. ఇంతకీ ఆ అప్డేట్ ఏంటంటే..?
ఈ పోస్టులో బ్లాక్ డ్రెస్సులో ఉన్న తన సెల్ఫీని యాడ్ చేసింది సమంత. అనంతరం క్యాప్షన్ జత చేస్తూ.. ‘‘జులై 13 నా జీవితంలో ఎంతో ప్రత్యేకమైన రోజు. ఎందుకంటే ఈ రోజుతో ‘సిటడెల్’ వెబ్సిరీస్ పూర్తయింది’’ అని అసలు విషయం చెప్పుకొచ్చింది. ఇక ఈ సిరీస్ తర్వాత సామ్ ఏడాది వరకు ఏ సినిమాలు చేయకుండా కాస్త గ్యాప్ తీసుకోనుందనే వార్త కొన్నిరోజులుగా వైరల్ అవుతున్న విషయం తెలిసిందే. అయితే త్వరలోనే ఖుషి మూవీ రిలీజ్ కానున్న నేపథ్యంలో ఈ చిత్ర ప్రమోషన్స్లో సమంత పాల్గొంటుందా లేదా అనే విషయంపై మాత్రం క్లారిటీ లేదు. ఇక సిటడెల్ విషయానికొస్తే.. దీని ఇండియన్‌ వెర్షన్‌లో వరుణ్‌ ధావన్‌, సమంత ప్రధాన పాత్రలు పోషించారు. రాజ్‌, డీకే దర్శకత్వంలో ఇది రూపొందింది.
