ఐదేళ్ల తర్వాత బాలీవుడ్ స్టార్ హీరో షారుక్ ఖాన్ మళ్లీ ఫామ్లోకి వచ్చాడు. పటాన్, జవాన్ సినిమాలతో బాక్సాఫీస్ వద్ద వసూళ్ల వర్షం కురిపిస్తున్నాడు. ఇక తాజాగా జవాన్ చిత్రంతో వసూళ్లలో నయా హిస్టరీ క్రియేట్ చేశాడు. ఈ చిత్రంలో డ్యూయెల్ రోల్తో షారుక్.. అదరగొట్టే పర్ఫామెన్స్ ఇచ్చాడు. డైరెక్టర్ అట్లీ తెరకెక్కించిన ఈ సినిమాలో షారుక్ సరసన, దీపికా పదుకోణ్, నయనతార నటించారు. రెడ్ చిల్లీస్ ఎంటర్టైన్‌మెంట్ బ్యానర్‌లో షారుక్ ఖాన్ భార్య గౌరీ ఖాన్ ఈ సినిమాను నిర్మించారు.
థియేటర్లో సెన్సేషన్ క్రియేట్ చేసిన ఈ సినిమా ఎప్పుడెప్పుడు ఓటీటీలోకి వస్తుందా అని ప్రేక్షకులు ఎదురుచూస్తున్నారు. అయితే థియేటర్లో మొన్నటిదాక కలెక్షన్ల వర్షం కురిపించిన ఈ సినిమాను అప్పుడే ఓటీటీలోకి తీసుకాబోం అని డైరెక్టర్ అట్లీ చెప్పారు. అయితే ఇప్పుడు ఈ సినిమా ఓటీటీ రిలీజ్ డేట్ ఫిక్స్ అయినట్టు నెట్టింట్లో ఓ వార్త చక్కర్లు కొడుతోంది.
సెప్టెంబర్ 7న హిందీతోపాటు తెలుగు, తమిళం, కన్నడ, మలయాళ భాషల్లో ప్రపంచవ్యాప్తంగా విడుదలైన జవాన్ సినిమా.. నవంబరు 2వ తేదీ నుంచి నెట్ఫ్లిక్స్లో స్ట్రీమింగ్ కానున్నట్లు తెలుస్తోంది. షారుక్ బర్త్డే అయిన నవంబరు 2న ఓటీటీ రిలీజ్ చేయునున్నట్లు టాక్ వినిపిస్తోంది. అయితే థియేటర్లలో లేని మరికొన్ని సన్నివేశాలను యాడ్ చేసి మరి ఓటీటీలో విడుదల చేయనున్నారట.
