ఐకాన్ స్టార్ అల్లు అర్జున్-డైరెక్టర్ సుకుమార్ కాంబినేషన్ తెరకెక్కిన మూవీ పుష్ప-2. మైత్రీ మూవీ మేకర్స్ నిర్మించిన ఈ మూవీ డిసెంబర్ 05న ప్రపంచ వ్యాప్తంగా విడుదలై సంచలన విజయం నమోదు చేసిన విషయం తెలిసిందే. అయితే ఈ సినిమా పై తాజాగా ఓ వివాదం ఏర్పడింది. పుష్ప-2 నిర్మాతలకు బెదిరింపులకు పాల్పడుతున్నట్టు సమాచారం. పుష్ప-2 సినిమాలో షెకావత్ అనే పేరుతో మలయాళ నటుడు పహద్ పాజిల్ పోలీస్ ఆఫీసర్ నటించిన విషయం తెలిసిందే.
పుష్ప-2 మూవీలో షెకావత్ అనే పేరుతో ఉన్న పాత్రను నెగిటివ్ గా చూపించి.. తమ క్షత్రియ వర్గాన్ని అవమానించారు అంటూ క్షత్రియ కర్ణ సేన లీడర్ రాజ్ షెకావత్ ఆగ్రహం వ్యక్తం చేశారు. కర్ణి సైనికుల్లారా సిద్ధంగా ఉండండి. పుష్ప-2 నిర్మాతలపై దాడి చేద్దాం అంటూ రాజ్ షెకావత్ పిలుపునిచ్చారు. పుష్ప సినిమా విడుదలై 3 సంవత్సరాలు అయింది. ఆ సమయంలోనే షెకావత్ పాత్ర వచ్చింది. పార్ట్ 1లోనే షెకావత్ వస్తే.. మూడేల్ల పాటు ఏం చేశారని.. ఇప్పుడు సంచలన విజయం సాధిస్తుందని.. దానికి బ్రేక్ వేయాలని ఏదో కుట్ర చేస్తున్నారని ఫ్యాన్స్ పేర్కొనడం గమనార్హం.
