మెగా మేనల్లుడు సాయి ధరంతేజ్ దాదాపు యాక్సిడెంట్ తర్వాత ఒక రెండు సంవత్సరాలు విరామం తీసుకుని మళ్లీ ప్రేక్షకుల ముందుకు వచ్చిన చిత్రం విరూపాక్ష. ఈ సినిమా థియేటర్లలో ఎటువంటి అంచనాలు లేకుండా వచ్చి భారీ విజయాన్ని సొంతం చేసుకుంది.సాయి ధరమ్ తేజ్ హీరోగా మలయాళీ ముద్దుగుమ్మ సంయుక్త మీనన్ హీరోయిన్గా నటించిన చిత్రం ఇది. ఈ సినిమాలో ఊహించిన విధంగా ట్విస్టులు ప్రేక్షకులను విపరీతంగా ఆకట్టుకున్నాయి. ముఖ్యంగా వెండితెరపై ఊహించని విధంగా సినిమా భారీ విజయాన్ని సొంతం చేసుకోవడమే కాదు అంతకుమించి కలెక్షన్ల పరంగా కూడా దూసుకుపోయింది.
డైరెక్టర్ కార్తీక్ దండువర్మ దర్శకత్వం వహించిన ఈ సినిమాలో సునీల్ , రాజీవ్ కనకాల, సోనియా సింగ్, రవి కృష్ణ , బ్రహ్మాజీ , శ్యామల తదితరులు కీలక పాత్రలు పోషించారు. సస్పెన్స్ థ్రిల్లర్ మూవీగా వచ్చిన ఈ సినిమా బాక్స్ ఆఫీస్ వద్ద ఏకంగా రూ.100 కోట్లకు పైగా కలెక్షన్స్ రాబట్టింది. అటు ఓటీటీ లో కూడా మంచి రెస్పాన్స్ అందుకుంది. ఇప్పుడు ఈ సినిమా బుల్లితెర ఆడియన్స్ను అలరించడానికి అలాగే సస్పెన్స్ తో భయపెట్టడానికి సిద్ధమయ్యింది . ఇక త్వరలోనే స్టార్ మా లో సినిమా ప్రసారం కానుందని సమాచారం.
ఇదిలా ఉండగా ఈ సినిమా డైరెక్టర్ కార్తీక్ దర్శకత్వం.. సాయిధరమ్ తేజ్, సంయుక్త నటనపై ప్రేక్షకులే కాదు సినీ విమర్శకులు కూడా ప్రశంసలు కురిపించారు. ముఖ్యంగా ఈ సినిమా చివర్లో సంయుక్త నటన అద్భుతమని.. ఆమె తన పాత్రతో ఆడియన్స్ ను ఆకట్టుకుంది. ప్రేక్షకులకు దాదాపు రెండున్నర గంటల పాటు థ్రిల్లింగ్ అనుభూతిని కలిగించడంలో డైరెక్టర్ కూడా సక్సెస్ అయ్యారు అని చెప్పవచ్చు.
