సాధారణంగా మనం ఇంట్లో ఏమైనా పూజలు చేసినప్పుడు మణిద్వీప వర్ణన చదువుతూ ఉంటాము. లేదా ఏదైనా దైవ కార్యక్రమాలు చేసినప్పుడు కానీ, దైవ కార్యక్రమాలు ఏమైనా నిర్వహించినప్పుడు కానీ, మణిద్వీప వర్ణన అందరూ కలిసి చదువుతూ ఉండటం మనం ఎన్నో సార్లు చూసి ఉంటాం. అయితే మణిద్వీప వర్ణన చదవడం వల్ల ఉపయోగాలు ఏమిటి…?, చదివితే ఏం కలుగుతుంది….?, ఎటువంటి లాభాలు మనకి కలుగుతాయి…? ఇలా అనేక విషయాలు మీ కోసం..
మణిద్వీప వర్ణన చాలా మంది చదువుతూ ఉంటారు. కానీ దీని యొక్క లాభాలు చాల మందికి తెలియదు. అయితే మణిద్వీప వర్ణన చదవడం వల్ల ఉపయోగాలు ఏమిటి అనే విషయానికి వస్తే… మనం పూజించే అమ్మవారు కొలువై ఉండే చోటే మణిద్వీపం. అయితే అటువంటి మహిమగల ఈ మణిద్వీప వర్ణన చదివితే వాస్తు లోపాల్ని తొలగించ వచ్చు.
ఎప్పుడైతే మన ఇంట్లో మనం దేవుడి దగ్గర కూర్చుని మణిద్వీప వర్ణనని చదువుతామో అప్పుడు ఉన్న వాస్తు దోషాలు పూర్తిగా తొలగిపోతాయి అని పండితులు చెబుతున్నారు. అంతే కాకుండా ఇంట్లో సుఖ శాంతులు నెలకొని సుఖంగా, ఆరోగ్యంగా ఉండడానికి మణిద్వీప వర్ణన చదవడం మంచిది అని పండితులు చెప్తున్నారు.
