యాదాద్రి: హామీని నెరవేర్చిన జిల్లా కలెక్టర్

గత సంవత్సరం నవంబర్ 30న గౌస్ నగర్‌కు చెందిన విద్యార్థినులు గౌస్ నగర్ నుండి బండసోమారం ZPHSకు నడుచుకుంటూ వెళ్తున్నప్పుడు జిల్లా కలెక్టర్ పమేలా సత్పతి మార్గమధ్యంలో వారిని గమనించి పలకరించారు. 3 కి.మీ. నడిచి వెళ్తున్న విద్యార్థినుల అవస్థ చూసి సైకిల్ మంజూరు చేస్తానని హామీ ఇచ్చారు. ఇచ్చిన హామీ మేరకు జిల్లా గ్రామీణ అభివృద్ధి సంస్థ ద్వారా మంజూరైన సైకిళ్లను సోమవారం ఆమె ముగ్గురు విద్యార్థినులకు బహూకరించారు.