చాలా శాతం మంది రిలేషన్షిప్ లో ఉన్నప్పుడు అమ్మాయి లేదా అబ్బాయి నిజంగా ప్రేమిస్తున్నారా లేదా అనే అనుమానంతో బాధపడుతూ ఉంటారు. అటువంటి అనుమానం వచ్చినప్పుడు అది నిజమైన ప్రేమో కాదో గమనించుకోవాలి. చాలా మంది తెలిసి తెలియక స్వార్థపూరిత ప్రేమకు బలి అవుతారు. ఎప్పుడూ నిస్వార్థంగా ఉండే వ్యక్తులను మాత్రమే ప్రేమించాలి. కొంత మంది టైం పాస్ కోసం ప్రేమిస్తూ ఉంటారు. అటువంటి సందర్భాల్లో స్వచ్ఛమైన ప్రేమను పొందలేరు.
ఎప్పుడైతే నిజంగా ప్రేమిస్తారో, రిలేషన్షిప్ లో ప్రతి చిన్న విషయంలో శ్రద్ధ చూపిస్తారు. ముఖ్యంగా ఆనందం, దుఃఖం వంటి విషయాల గురించి తెలుసుకోవాలని అనుకుంటారు. రోజు తీసుకునే ఆహారం, ఆరోగ్యం వంటి విషయాల్లో ఎంతో శ్రద్ధ చూపుతారు. ఈ విధంగా జీవితాంతం తోడు ఉండాలని భావిస్తారు. నిజంగా భాగస్వామిని ప్రేమిస్తే వారి సంతోషాన్ని కోరుకుంటారు. ఎటువంటి తప్పు జరిగినా అర్థం చేసుకొని కలిసి జీవిస్తారు. నిజంగా ప్రేమిస్తే మీ పార్ట్నర్ కలలను గౌరవిస్తారు, వారి విజయం కోసం ఎంతో సహాయం చేస్తారు. ఈ విధంగా కలలను నిజం చేయడంలో తోడ్పడతారు.
నిజమైన ప్రేమలో చిన్న తప్పులను వదిలేస్తారు. ఎప్పుడైతే చిన్న తప్పులను పెద్దవిగా చేసి మాట్లాడతారో, అది నిజమైన ప్రేమ కాదు. అంతేకాకుండా నిజంగా ప్రేమిస్తే ఎటువంటి చిన్న చూపు ఉండదు. సహజంగా రిలేషన్షిప్ లో బహుమతులు ఇచ్చిపుచ్చుకుంటారు. చిన్న బహుమతులను ప్రేమించిన వారికి ఇచ్చినప్పుడు వారు చిన్న చూపు చూస్తే, అది నిజమైన ప్రేమ కాదని గుర్తించాలి. నిజంగా ప్రేమిస్తే మీ పార్ట్నర్ మిమ్మల్ని పూర్తిగా నమ్ముతారు, ఎంతో ప్రత్యేకమైన స్థానాన్ని ఇస్తారు. కనుక, ఇటువంటి లక్షణాల ద్వారా మీ పార్ట్నర్ నిజంగా ప్రేమిస్తున్నారా కాదా అనే విషయం తెలుసుకోవచ్చు.
