‘రేయ్.. పులిని దూరం నుంచి చూడాలనిపించిదనుకో చూస్కో.. పులితో ఫొటో దిగాలనిపించిందనుకో కొంచెం రిస్కైనా పర్లేదు ట్రై చేయొచ్చు. సరే చనువిచ్చింది కదా అని పులితో ఆడుకుంటే మాత్రం వేటాడేస్తది.’ అని ఓ సినిమాలో హీరో డైలాగ్ చెబుతాడు. అయినా వినకుండా విలన్స్ ఎగతాళి చేస్తే పులిలాగే వాళ్లను హీరో వేటాడతాడు. అయితే ఇప్పుడు దాని గురించి ఎందుకంటారా..? సరదాగా జంగిల్ సఫారీకి వెళ్లిన ఓ వ్యక్తి సింహంతో ఇలాగే ఆటాడుకోవాలనుకున్నాడు. ఆ తర్వాత మరి ఏం జరిగిందంటే..?
జంగిల్ సఫారీకి వెళ్లిన ఓ టూరిస్ట్ తన తోటివారితో కలిసి సఫారీ ఎంజాయ్ చేస్తున్నాడు. ఒక చోట తాను ప్రయాణిస్తున్న జీపు ఆగింది. అక్కడే ఓ సింహం నిద్రపోయి ఉంది. జీపు ఆగిన తర్వాత అందులో ఉన్న ఓ వ్యక్తి తన చేతికి అందే దూరంలో ఉన్న సింహాన్ని తాకాడు. అలా ఓ సారి సింహం తలను నిమిరాడు. అప్పుడు ఆ క్రూరమృగం సైలెంట్గానే ఉంది. అలా రెండు మూడు సార్లు ఆ వ్యక్తి అలాగే చేయడంతో ఒక్కసారిగా ఆ మృగరాజుకు కోపమొచ్చింది. జూలు విలిచి ఒక్క లుక్ ఇవ్వడంతో ఆ వ్యక్తితో పాటు ఆ జీపులో ఉన్న మిగితా వాళ్లంతా భయపడి దాక్కున్నారు. ప్రస్తుతం ఈ వీడియో నెట్టింట వైరల్ అవుతోంది. దీన్ని చూసిన నెటిజన్లు ఆ వ్యక్తిపై ఫైర్ అవుతున్నారు.
View this post on Instagram
