వీడు నిజంగా మనిషి కాదు. ఈ వీడియో చూసి మీరు కూడా అదే చెబుతారు. అసలు పామును చూస్తేనే దడుసుకుంటాం. పారిపోతాం. కానీ.. ఈ వ్యక్తి మాత్రం దాదాపు పదడుగులున్న పెద్ద కింగ్‌కోబ్రాను ఉత్త చేతులతో పట్టుకొని శెభాష్ అనిపించుకున్నాడు. భారీ కొండచిలువ ఆకారంలో ఉన్న నాగరాజు బుసలు కొడుతూ మనోడిని వైపు దూసుకొస్తున్నా ఏమాత్రం బెనకకుండా ఆ పామును పట్టుకున్న తీరును చూసి నెటిజన్లు మనోడిని తెగ మెచ్చుకుంటున్నారు. తెలుసు కదా.. కింగ్‌కోబ్రా కేవలం నాగుపాములను మాత్రమే ఆహారంగా తీసుకుంటుంది. దాని ఒక్క కాటుకు వెలువడే విషం ఇరవైమంది మనుషులను అవలీలగా చంపేస్తుంది. దాని కాటు తింటే 5 నిమిషాల్లోపే పరలోకానికి ప్రయాణం కట్టాల్సిందే. ఈ ఘటన ఎక్కడ జరిగిందో తెలియనప్పటికీ.. మనోడు పామును పట్టుకున్న వీడియో మాత్రం ప్రస్తుతం సోషల్ మీడియాలో వైరల్‌గా మారింది. వాళ్ల భాషను బట్టి చూస్తే.. అది కేరళలో జరిగిన ఘటనగా భావిస్తున్నారు నెటిజన్లు.
