భారతీయ సంప్రదాయంలో రుచికరమైన భోజనం తర్వాత కొన్ని తీయటి సోంపు గింజలు (Fennel Seeds) నోట్లో వేసుకోవడం అనేది కేవలం ఒక అలవాటు మాత్రమే కాదు అదొక ఆరోగ్య రహస్య. చిన్నగా, తీయగా ఉండే ఈ గింజలు కేవలం నోటి దుర్వాసనను తొలగించడానికి మాత్రమే కాకుండా, మీ జీర్ణవ్యవస్థకు అద్భుతమైన ఉపశమనాన్ని ఇస్తాయి. ప్రతిరోజూ భోజనం తర్వాత సోంపు ఎందుకు తినాలి? ఈ చిన్న గింజల్లో దాగి ఉన్న అద్భుతమైన ప్రయోజనాలు ఏమిటో ఇప్పుడు తెలుసుకుందాం.
భోజనం తర్వాత సోంపును తీసుకోవడం అనేది ఆయుర్వేదంలో వేల సంవత్సరాలుగా ఆచరిస్తున్న ఒక సంప్రదాయం. సోంపులో ఉండే అత్యంత ముఖ్యమైన క్రియాశీలక సమ్మేళనం అనెథోల్. ఇది జీర్ణక్రియను మెరుగుపరచడంలో అద్భుతంగా పనిచేస్తుంది. భోజనం తర్వాత సోంపు తినడం వలన, ఇది జీర్ణ రసాల మరియు ఎంజైముల ఉత్పత్తిని ప్రేరేపిస్తుంది. తద్వారా ఆహారం సులభంగా జీర్ణమవుతుంది. జీర్ణ సమస్యలైన కడుపు ఉబ్బరం, గ్యాస్ మరియు ఎసిడిటీ నుండి సోంపు తక్షణ ఉపశమనాన్ని ఇస్తుంది.
అందుకే సోంపును సహజసిద్ధమైన కడుపు నొప్పుల నివారణిగా కూడా ఉపయోగిస్తారు. అంతేకాకుండా సోంపు నమలడం వలన లాలాజలం ఉత్పత్తి పెరుగుతుంది. ఇది నోటిలో ఉండే బ్యాక్టీరియాను తొలగించి, నోటి దుర్వాసనను సమర్థవంతంగా దూరం చేస్తుంది. దీనిలోని సహజమైన తీపి మరియు సుగంధం శ్వాసకు తాజాదనాన్ని ఇస్తుంది.
మహిళల్లో రుతుక్రమ నొప్పి మరియు జీర్ణకోశ సమస్యలతో బాధపడేవారికి కూడా సోంపు టీ, తాగడం వలన ఉపశమనం లభిస్తుంది. సోంపులో ఉండే విటమిన్-సి మరియు ఫైబర్ వంటి పోషకాలు రోగనిరోధక శక్తిని పెంచడానికి, రక్తపోటును నియంత్రించడానికి కూడా సహాయపడతాయి. సోంపు గింజలను తీయటి మిఠాయిల మాదిరిగా అధికంగా చక్కెరతో కలిపి కాకుండా వాటిని యథాతథంగా లేదా కొద్దిగా చక్కెరతో కలిపి తీసుకోవడం వలన ఆరోగ్య ప్రయోజనాలు పూర్తిగా లభిస్తాయి. కాబట్టి ప్రతిరోజూ ఒక చెంచా సోంపును భోజనం తర్వాత తినడం అనేది మీ కడుపు ఆరోగ్యానికి మరియు నోటి పరిశుభ్రతకు ఒక సులువైన, శక్తివంతమైన మార్గం గా నిపుణులు సూచిస్తున్నారు.
గమనిక: పైన ఇచ్చిన సమాచారం కేవలం అవగాహన మాత్రమే, ముఖ్యమైన ఆరోగ్య సమస్యలు ఉన్నవారు ఆహారంలో పెద్ద మార్పులు చేసే ముందు నిపుణులను సంప్రదించడం మంచిది.
 నోట్లో వేసుకోవడం అనేది కేవలం ఒక అలవాటు మాత్రమే){kind=link}