బరువున్న దుప్పట్లను కప్పుకోని నిద్రపోతే ఆ సమస్యలన్నీ మాయం..!

చలికాలంలో నిద్రపోవడం అంటే పెద్ద టాస్కే.. మంచిగా మందపాటి దుప్పటి ఉంటే.. హాయిగా పడుకోవచ్చు.. చాలి చాలని పలుచుని దుప్పటి అయితే చలికి ప్రశాంతంగా నిద్రపోలేం. అయితే మందపాటి దుప్పటి వేసుకోవడం వల్ల చలినుంచి కాపడుకోవడమే కాదు.. ఇంకా చాలా ప్రయోజనాలు ఉన్నాయంటున్నారు నిపుణులు.  ఒత్తిడిని తగ్గించడంలో- నాడీ వ్యవస్థలోని కొన్ని సమస్యలు ఊబకాయం, కిడ్నీ రుగ్మతలకు గురవుతాయి. నిద్రపోయేటప్పుడు బరువైన దుప్పట్లను ఉపయోగించడం ద్వారా, వాటి వల్ల కలిగే ఒత్తిడి నాడీ వ్యవస్థను సరిచేయడానికి అనవసరమైన గాయాలను నివారించడానికి సహాయపడుతుంది.

బరువున్న దుప్పట్లతో నిద్రపోవడం హృదయ స్పందన రేటును నియంత్రించడంలో గాఢమైన నిద్రను ప్రేరేపించడంలో సహాయపడుతుంది. మీరే చూడండి.. మంచిగా దుప్పటి కప్పును పడుకోండి.. బయటి చలి.. లోపల వేడి.. దెబ్బకు నిద్రవచ్చేస్తుంది.

ఇది మీకు ఆశ్చర్యంగా అనిపించవచ్చు.. భారీ బరువు గల దుప్పట్లు మన శరీరంపై కొంత మితమైన ఒత్తిడిని కలిగిస్తాయి. ఇది దాదాపు మసాజ్ లాగా పనిచేస్తుంది. కీళ్లనొప్పులు, తలనొప్పి , వెన్నునొప్పితో బాధపడేవారిలో నొప్పిని తగ్గించడంలో సహాయపడుతుంది.

బరువున్న దుప్పటిని ఉపయోగించడం వల్ల నిద్రిస్తున్నప్పుడు అనవసరమైన టెన్షన్‌ను తగ్గిస్తుంది. ప్రపంచవ్యాప్తంగా 275 మిలియన్లకు పైగా ప్రజలు అధిక ఆందోళనతో బాధపడుతున్నారు. వేగవంతమైన హృదయ స్పందన రేటు, వేగంగా శ్వాస తీసుకోవడం వంటి లక్షణాలు ఉంటున్నాయి. బరువున్న దుప్పటితో నిద్రిస్తున్నప్పుడు, అవి మన నాడీ వ్యవస్థను ఉపశమనం చేస్తాయట… ప్రశాంతంగా నిద్రించడానికి సహాయపడే మంచి అనుభూతిని కలిగిస్తుంది.

మూర్ఛలతో బాధపడేవారికి భారీ బరువు గల దుప్పట్లు మంచి ఉపశమనాన్ని అందిస్తాయని నిపుణులు అంటున్నారు.. ఈ దుప్పట్లు నాడీ వ్యవస్థపై మితమైన ఒత్తిడిని కలిగిస్తాయి. అనవసరమైన ఒత్తిడిని తగ్గించడంలో సహాయపడతాయి. అలాగే, మనస్సు, శరీరం రిలాక్స్‌గా ఉంటాయి. మూర్ఛలు వచ్చే అవకాశాలు తగ్గుతాయి. టెన్షన్‌, ప్రజర్‌ ఎక్కువైనప్పుడే మూర్చ త్వరగా వస్తుంది.

కార్టిసాల్ అనే ఒత్తిడి హార్మోన్లు గుండె సమస్యలు, అధిక శరీర బరువు, అధిక రక్తపోటు వంటి ప్రధాన సమస్యలకు కారణమవుతాయి. భారీ దుప్పట్లను ఉపయోగించడం వల్ల కలిగే ఒత్తిడి శరీరంలో కార్టిసాల్ స్రావాన్ని అణిచివేస్తుందట. మంచి హార్మోన్ సెరోటోనిన్ స్రావాన్ని పెంచుతుంది.

అల్జీమర్స్, డిమెన్షియా బాధితులు సరిగ్గా నిద్రపోవడంలో కొన్ని సమస్యలను ఎదుర్కొంటారు. అధిక బరువు గల దుప్పట్లను ఉపయోగించడం నాడీ వ్యవస్థను శాంతపరచడానికి, నిద్రిస్తున్నప్పుడు ఒత్తిడిని తగ్గిస్తుంది. ప్రధానంగా ఇటీవలి అధ్యయనాలలో, అల్జీమర్స్ వ్యాధి ఉన్న వ్యక్తులు బరువున్న దుప్పటిని ఉపయోగించి నిద్రిస్తున్నప్పుడు జ్ఞానపరమైన బలహీనత, భ్రాంతులు వంటి రాత్రిపూట సమస్యల నుంచి ఉపశమనం పొందినట్లు తేలింది.

బరువున్న దుప్పట్లు వేసుకుని నిద్రపోవడం వల్ల మితమైన ఒత్తిడి ఆక్సిటోసిన్ స్రావాన్ని పెంచుతుంది. ఇది మన మానసిక స్థితిని మెరుగుపరచడంలో సహాయపడుతుంది. దీని వల్ల ప్రశాంతంగా నిద్రపడుతుంది.

బరువున్న దుప్పట్లు వాడాలంటే.. రూమ్‌ టెంపరేచర్‌ బాగుండాలి. రూమ్‌ కూల్‌గా ఉండేలా చూసుకోవాలి. అప్పటికే రూమ్‌ వేడిగా ఉంటే. మీరు మళ్లీ బరువున్న దుప్పట్లు వాడితే చెమటలు పట్టి మొదటికే మోసం వస్తుంది. మంచిగా గాలి వచ్చేలా చూసుకుని ఈ టిప్‌ ట్రై చేయండి.! ఈరోజుల్లో ఎంతోమంది నిద్రలేమి సమస్యతో బాధపడుతున్నారు. ఎన్నో రాత్రులు నిద్రరాక ఏం చేయాలో తెలియక ఫోన్‌ చూస్తూ… ఎప్పూడో తెల్లారేముందు నిద్రపోతున్నారు.!