వెల్లుల్లిని తినడం వల్ల ఎన్నో లాభాలు కలుగుతాయన్న సంగతి అందరికీ తెలిసిందే. అయితే ఇది పురుషులకు ఎంతగానో మేలు చేస్తుంది. కొందరికి అనేక కారణాల వల్ల శృంగార సమస్యలు ఉంటాయి. అలాంటి వారు నిత్యం రోస్ట్‌ చేయబడిన రెండు వెల్లుల్లి రెబ్బలను తినాలి. దీంతో అనేక ప్రయోజనాలు కలుగుతాయి.
పురుషుల్లో టెస్టోస్టిరాన్‌ ఎక్కువగా ఉత్పత్తి అయితేనే వారికి శృంగార పరంగా సమస్యలు రాకుండా ఉంటాయి. కానీ పలు కారణాల వల్ల ఈ హార్మోన్‌ పురుషుల్లో ఎక్కువగా ఉత్పత్తి కాదు. అలాంటి వారు నిత్యం రెండు సార్లు రెండు రోస్ట్‌ చేయబడిన వెల్లుల్లి రెబ్బలను తినాలి. పెనంపై వెల్లుల్లి రెబ్బలను వేసి వేయించాలి. అనంతరం వాటిని తీసుకోవాలి. ఉదయం పరగడుపున, రాత్రి నిద్రకు ఉపక్రమించే ముందు తీసుకోవాలి. ఇలా చేయడం వల్ల టెస్టోస్టిరాన్‌ ఉత్పత్తి అవుతుంది. అలాగే వెల్లుల్లిలో ఉండే జింక్, మాంగనీస్‌ వంటి పోషకాలు పురుషుల్లో శృంగార సమస్యలను తగ్గిస్తాయి. శృంగార సామర్థ్యాన్ని పెంచుతాయి. ఈ సమస్యలు ఉన్నవారు వెల్లుల్లిని రోస్ట్‌ చేసి తింటే మంచిది.
ఇక వెల్లుల్లిని తినడం వల్ల గుండె ఆరోగ్యం సురక్షితంగా ఉంటుంది. కొలెస్ట్రాల్‌, హైబీపీ, గుండె జబ్బులతో బాధపడేవారు నిత్యం వెల్లుల్లిని తింటే గుండె ఆరోగ్యాన్ని సంరక్షించుకోవచ్చు. దీంతోపాటు వెల్లుల్లిని తినడం వల్ల శరీరానికి అవసరమైన విటమిన్‌ సి, విటమిన్‌ బి6, ఫాస్ఫరస్, కాల్షియం, ఐరన్‌ వంటి పోషకాలు లభిస్తాయి. ఇవి ఆరోగ్యాన్ని సురక్షితంగా ఉంచుతాయి. అయితే రోస్ట్‌ చేయబడిన వెల్లుల్లిని తిన్నాక ఒక గ్లాస్‌ నీటిని తాగాలి. దీంతో ఆయా సమస్యలు తగ్గుతాయి.
రోస్ట్‌ చేసిన వెల్లుల్లి వల్ల జలుబు, దగ్గు వంటి సమస్యలు తగ్గుతాయి. జీర్ణక్రియ మెరుగు పడుతుంది. దంత సమస్యలు ఉండవు. నిత్యం వెల్లుల్లిని ఇలా తింటే ప్రయోజనాలు పొందవచ్చు.
