వైఫై దొంగల్ని ఇలా పట్టేయండి…చెక్ పెట్టేయండి

వర్క్ ఫ్రమ్ హోమ్ కారణంగా..నెట్ వాడకం ఎక్కువైంది..ఫోన్ డేటా సరిపోవడం లేదని..వైఫై పెట్టించుకున్నాం..కానీ మనకు ఒక్కోసారి నెట్ స్లోగా వస్తుంది..డేటా కూడా మనకు తెలియకుండానే…చాలా అయిపోయినట్లు చూపిస్తుంది..అంటే ఎవరో మీ వైప్ ను దొంగలించారనమాట..హ్యాక్ చేసి పాస్వాడ్ తెలుసుకోవటం ఈరోజుల్లో పెద్దపనేం కాదు.యూట్యూబ్ లో నాలుగు వీడియోలు చూస్తే..అదే తెలిసిపోతుంది. ఈ టిప్స్ ద్వారా మీ వైఫైను ఎవరు దొంగలించారో తెలుసుకోవచ్చు.

 ► మీరు క‌నెక్ట్ చేసిన రూట‌ర్ నెట్‌వ‌ర్క్ గురించి తెలుసుకోవ‌డానికి వెబ్ బ్రౌజ‌ర్‌ను ఓపెన్ చేయండి. ఇందుకోసం మీరు 192.168.0.1 లేదా 192.168.1.1 లేదా 192.168.2.1 లాగిన్ అయ్యి ఇంటర్‌ఫేస్‌ను ఓపెన్ చేయండి. ఇవేవీ పని చేయ‌లేదంటే మీ ల్యాప్‌టాప్‌లో కమాండ్ ప్రాంప్ట్ తెరిచి, ipcofig /all అని టైప్ చేసి ఎంటర్ బ‌ట‌న్ క్లిక్ చేయాలి. క్లిక్ చేస్తే డిఫాల్ట్ గా మీ రౌటర్ అడ్ర‌స్ డిస్‌ప్లే అవుతుంది.

► ఇక్క‌డ యూజ‌ర్ నేమ్, పాస్‌వర్డ్ ఎంట‌ర్ చేయండి. మీ రూటర్ పాస్‌వర్డ్ మీకు తెలియక‌పోతే మీ వైఫై రూటర్‌లోని స్టిక్కర్‌లను చూడండి.. లేదా మీ (ISP -ఇంట‌ర్‌నెట్ స‌ర్వీస్ ప్రొవైడ‌ర్‌)ను అడగండి.

► మీరు లాగిన్ అయిన తర్వాత, మీ వైఫై క్లయింట్ లిస్ట్‌ ” లేదా క‌నెక్టెడ్ డివైజ్ ఆప్ష‌న్‌ల‌ను క్లిక్ చేస్తే అక్క‌డ మీ వైఫై నెట్‌వ‌ర్క్‌ను దొంగిలించేది ఎవ‌రో తెలిసిపోతుంది. వెంటనే మీ వైఫై పాస్‌వ‌ర్డ్‌ను మార్చి సుర‌క్షితంగా ఉంచుకోవ‌చ్చు. ప్రత్యామ్నాయంగా మీరు కమాండ్ ప్రాంప్ట్ ఓపెన్ చేసి

arp -a అని టైప్ చేసి ఎంటర్ బ‌ట‌న్ క్లిక్ చేస్తే మీ కనెక్షన్‌లను తనిఖీ చేయవచ్చు.

మీరు మీ వైఫై కనెక్షన్ కు అత్యంత సెక్యూర్ పాస్‌వర్డ్‌ను సెట్ చేయండి. పాస్‌వ‌ర్డ్ ను రూట‌ర్ కంట్రోల్ డ్యాష్ బోర్డ్‌ను వినియోగించి మార్చుకోవ‌చ్చు. మీరు మీ పాస్ వ‌ర్డ్ మార్చితే.. మీకు తెలియ‌కుండా మీ వైఫై రూట‌ర్ ను వినియోగిస్తున్న మొబైల్స్‌, ల్యాప్ ట్యాప్‌ల‌లో మీ వైఫై నెట్ వ‌ర్క్ డీపాల్ట్ గా లాగ్ అవుట్ అవుతుంది.

ఎవరైనా మీ వైఫైకి కనెక్ట్ చేయగలిగినప్పటికీ, వారు మీ వైఫై పాస్‌వర్డ్ వంటి కీలక సమాచారాన్ని మార్చలేరు.. కాబట్టి మీరు మీ రూటర్ లాగిన్ సమాచారాన్ని కూడా మార్చవచ్చు.

ఇతరులు మీ వైఫై నెట్ వ‌ర్క్‌ను స్కాన్ చేయకుండా ఉండేలా మీ వైఫై ఐడీ వివ‌రాల్ని హైడ్ చేయోచ్చు. ఒక‌వేళ మీరు ఎవ‌రికైనా వైఫై ఐడీని షేర్ చేయాల‌నుకుంటే మ్యానువ‌ల్‌గా పాస్‌వ‌ర్డ్‌ను ఎంటర్ చేస్తే సరిపోతుంది.