కొత్త సంవత్సరం మొదటి రోజు ఈ పనులు అస్సలు చేయకండి

ఇంకో రెండు రోజుల్లో కొత్త సంవత్సరం రాబోతుంది. నూతన సంవత్సరంలో చాలా మంది.. జాతకాలు తారుమారు అయ్యే అవకాశం ఉంది. 2024 కొందరికి కలిసివస్తే.. కొందరికి ఎదురుదెబ్బ తీస్తుంది. అంతా మన చేతుల్లోనే ఉంటుంది. అయితే.. పండగ రోజు కొన్ని చేయకూడని పనులు ఉంటాయి. మీరు తెలిసి తెలియకుండా ఆ పనులు చేస్తే.. అనవసరంగా సమస్యలు ఎదుర్కోవాల్సి వస్తుంది.  2024 సంవత్సరం మొదటి రోజు అంటే జనవరి 1న కొన్ని కార్యకలాపాలకు దూరంగా ఉండాలి. లేదంటే ఏడాది పొడవునా కొన్ని సమస్యలు ఎదుర్కోవాల్సి వస్తుంది. దీని గురించి మరింత తెలుసుకుందాం…

కొత్త సంవత్సరం ప్రారంభంలో ఎవరి దగ్గరా అప్పు తీసుకోకండి. దీని వల్ల ఏడాది పొడవునా మీకు ఆర్థిక నష్టం కలుగుతుంది. ఆర్థిక సంక్షోభం కారణంగా మీరు ఒత్తిడికి లోనవుతారు.

కొత్త సంవత్సరం మొదటి రోజున ఎవరైనా పేదవారు లేదా ఏదైనా ఆశతో మీ ఇంటికి వస్తే, అతనిని ఖాళీ చేతులతో పంపించవద్దు. మీ సంకల్ప శక్తి ప్రకారం అతనికి ఏదైనా దానం చేయండి.

కొత్త సంవత్సరం మొదటి రోజున ఒకరి హృదయాన్ని గాయపరచవద్దు. ఈ రోజును ఎలాంటి వాదనలతో ప్రారంభించవద్దు.

కొత్త సంవత్సరం మొదటి రోజు చాలా మంది పార్టీ మూడ్లో ఉంటారు. మందు మాంసంతో ఎంజాయ్‌ చేస్తారు. ఈ సమయంలో నాన్ వెజ్ మరియు ఆల్కహాల్ తీసుకుంటారు. అయితే కొత్త సంవత్సరం మొదటి రోజున ఈ విషయాలకు దూరంగా ఉండడం మంచిది.

కొత్త సంవత్సరం రోజు వీలైనంత హ్యాపీగా ఉండేందుకు ట్రై చేయండి. కోపాలు, ద్వేషాలను వీడండి.. ఎవరిమీద అయినా చిన్న చిన్న ఇష్యూస్‌ ఉంటే..కుర్చోని మాట్లాడుకుని పరిష్కరించుకోండి. అప్పుడే మీరు మనశాంతిగా ఉండగలుగుతారు.