తల్లిదండ్రులు పిల్లలను సరైన మార్గంలో పెంచడానికి మరియు అన్ని రంగాల్లోనూ నైపుణ్యతను పెంచడానికి ఎంతో ప్రయత్నిస్తారు. ముఖ్యంగా వారి భవిష్యత్తు బాగుండాలని కోరుకుంటారు. కేవలం తల్లిదండ్రులు పిల్లల కోసం కష్టపడి ఎన్నో మార్పులను చేసినా సరే పిల్లలు కూడా చిన్నతనం నుండి అన్ని అలవాటు చేసుకోవాలని నిపుణులు చెబుతున్నారు. సహజంగా తల్లిదండ్రులు అందరూ కూడా వారి పిల్లలు మంచి స్థాయికి ఎదగాలని ఆశిస్తారు. కేవలం చదువు మాత్రమే కాకుండా అన్ని రంగాల్లోనూ ముందుండాలని కోరుకుంటారు. ముఖ్యంగా ఈ రోజుల్లో చదువుతో పాటుగా క్రీడలు లేక ఇతర సామాజిక నైపుణ్యాలలో రాణించడం ఎంతో అవసరం.
కనుక కేవలం ఒక విషయంలో మాత్రమే ప్రావీణ్యులుగా ఉండడం కంటే అన్ని విషయాల గురించి ఎంతో నైపుణ్యంతో కలిగి ఉండడం ఎంతో అవసరం అని తల్లితండ్రులు భావిస్తారు. దీని కోసం పిల్లలను ఆల్ రౌండర్లుగా తయారు చేయడానికి వారి జీవన శైలిని మార్చాలి. ప్రతిరోజు తీసుకునే ఆహారం నుండి అలవాట్ల వరకు ప్రతి చిన్న విషయం పై ఎంతో శ్రద్ధ చూపాలి. మంచి పోషక విలువలు ఉండేటువంటి ఆహారాన్ని అందించడం, సరైన సమయంలో నిద్ర పోవడం, మానసికంగా మరియు శారీరకంగా ఆరోగ్యంగా ఉంచడం వంటివి చేయాలి.
ఎలాంటి నైపుణ్యతను పెంచుకోవాలన్నా ప్రతిరోజు సమయాన్ని సరిగ్గా ఉపయోగించుకోవాలి. పిల్లల ఆసక్తి దెబ్బతీయకుండా ఒక ప్రణాళికను అలవాటు చేయాలి. చాలా మంది తల్లిదండ్రులు వారి పిల్లల వ్యక్తిత్వం మరియు వారి ఆలోచనలు పట్టించుకోకుండా తల్లిదండ్రులకు నచ్చిన విషయాలను నేర్పిస్తూ ఉంటారు. కానీ పిల్లలకు ఆసక్తి ఉండే విషయాల పై మాత్రమే శ్రద్ధ పెట్టండి. వారిలో ఉండే నైపుణ్యాలను గుర్తించి వాటిని ప్రోత్సహించండి. ఇటువంటి మార్పులను మీ పిల్లల చిన్నతనంలోనే చేయడం వలన సాధించాలనే గుణం పెరుగుతుంది. దీంతో అన్ని రంగాలలో ఆల్ రౌండర్లుగా నిలుస్తారు.
