రంగు విషయంలో వివక్ష పెంచేలా ఇన్స్టాగ్రామ్ ఫిల్టర్.. పెరుగుతున్న విమర్శలు

నల్లజాతీయులైన భారతదేశ పౌరుల్లో తెల్లగా ఉండాలన్న కాంక్ష చాలామందిలో ఉందని, అందుకోసమే ఫెయిర్ నెస్ క్రీమ్స్ వాడుతుంటారని, తెల్లగా ఉండడమే గొప్ప, వాళ్ళే ఏదైనా సాధించగలరని నమ్మేవాళ్ళు ఎక్కువ అవుతున్నారని చాలామంది వాదన. ఈ మేరకు తాజాగా ఇన్స్టాగ్రామ్ లో కొత్తగా వచ్చిన ఫిల్టర్ గురించి చర్చ జరుగుతుంది. ఇన్స్టాగ్రామ్ లో వచ్చిన ఈ ఫిల్టర్, నలుపు రంగులోకి మారుస్తుంది. మీరు తెల్లగా ఉన్నప్పటికీ నల్లగా ఉంటే ఎలా ఉంటుందో చూపిస్తుంది.

ప్రస్తుతం ఈ విషయంలో పెద్ద చర్చ నడుస్తుంది. వైష్ణవి అనే ట్విట్టర్ ఖాతాదారు షేర్ చేసిన ప్రకారం, ఇన్స్టాగ్రామ్ లో వచ్చిన ఈ కొత్త ఫీచర్, నలుపు రంగులో ఉన్నవారిపై వివక్ష పెంచేదిగా ఉందని, ఇలాంటి చర్యలను ఇన్స్టాగ్రామ్ వెంటనే ఆపాలని కొన్ని ఫోటోలను షేర్ చేసారు. ఆ ఫోటోలని గమనిస్తే, నలుపు రంగులో ఉన్నవారిపై వివక్ష పెంచేదిగా ఉన్నట్టు, వారి ఆత్మవిశ్వాసాన్ని దెబ్బతీసేలా ఉన్నట్టు అనిపించకమానదు.

ఫిల్టర్ ని ఉపయోగించి తమ ఒరిజినల్ కలర్ ని నలుపు రంగులోకి మార్చే ఫీచర్ ని ఉపయోగించిన వారందరూ చిత్ర విచిత్ర హావాభావాలతో కనిపించారు. చాలామంది నలుపు రంగులో వారి ముఖం కనిపించగానే ఆ రంగుని చూసుకుంటూ ముభావంగా మొహం పెట్టి, నా మొహం ఇలా అయ్యిందేంటి అని చూసుకుంటూ ఉన్నారు. అదే మళ్ళీ ఆ ఫిల్టర్ ని వాడకుండా ఒరిజినల్ ఫోటోలని ఉంచుతూ నవ్వుతూ కనిపించారు. దీనర్థం నలుపు రంగు తమని బాధిస్తుందని చెప్పినట్టే అని, ఒక రకంగా ఇది వివక్షను పెంచడమే అని వైష్ణవి పేర్కొన్నారు.

ప్రస్తుతం ఈ విషయంలో అన్నివైపుల నుండి చర్చ ప్రారంభమైంది. మరి జాతి వివక్షను పెంచేలా ఉన్న ఈ ఫిల్టర్ ని ఇన్స్టాగ్రామ్ ఎలా పెడుతుందంటూ విమర్శలు వస్తున్నాయి. మరేం జరుగుతుందో చూడాలి.