భారతదేశంలో ఎక్కువ దూరం ప్రయాణించే వారు ఎక్కువగా రైలులో ప్రయాణిస్తారు. ట్రైన్‌లో జనరల్‌ బోగీ నుంచి ఏసీ కోచ్‌ వరకూ అన్ని వేరుగా ఉంటాయి. స్లీపర్ కోచ్‌లో సుదూర ప్రయాణంలో ప్రయాణీకులకు బెడ్షీట్లు, దిండ్లు మొదలైనవి రైల్వేలు అందజేస్తాయి. మీరు గమనిస్తే.. రైళ్లలో ఇచ్చే బెడ్షీట్లు అన్నీ తెలుపు రంగులోనే ఉంటాయి. అసలు రైళ్లు ముందే మురికిగా ఉంటాయి. అలాంటి చోట వైట్ బెడ్షీట్లు ఎందుకు ఇస్తారు..? ఇంట్లోనే మనం వైట్ బెడ్షీట్లు వాడము కదా..! ఈ డౌట్‌ మీకు ఎప్పుడైనా వచ్చిందా..?
స్లీపర్ క్లాస్‌లో రైల్వే బెడ్షీట్లు
రైల్వే బెడ్షీట్లు, దిండ్లు తెలుపు రంగులో ఉండటానికి ఒక ముఖ్యమైన కారణం ఉంది. భారతీయ రైల్వే ప్రతిరోజూ పెద్ద సంఖ్యలో రైళ్లను నడుపుతోంది. ప్రతిరోజూ వేల సంఖ్యలో బెడ్షీట్లు, దిండ్లు వినియోగిస్తున్నారు. ఒక ఉపయోగం తర్వాత వారు శుభ్రపరచడానికి సేకరిస్తారు. ఈ బెడ్షీట్లను 121 ° C ఉష్ణోగ్రత వద్ద ఆవిరి బాయిలర్‌లలో కడుగుతారు. ఈ ఆవిరిలో 30 నిమిషాల పాటు స్టెరిలైజేషన్ జరుగుతుంది. ఈ పద్ధతిలో ఆవిరితో బ్లీచ్ చేసిన బట్టలు తెలుపు రంగులో ఉండటం మంచిది. కాబట్టి తెల్లటి బెడ్షీట్లను ఉపయోగించడం సరైనది. తెల్లటి బెడ్షీట్లు బ్లీచింగ్‌కు అనుకూలంగా ఉంటాయి.
ఇతర రంగులలోని బెడ్షీట్లను శుభ్రం చేయడానికి ఎక్కువ ఉష్ణోగ్రత వద్ద ఎక్కువ డిటర్జెంట్‌తో బ్లీచ్ చేయవలసి ఉంటుంది. అయితే, తెల్లటి బెడ్ షీట్లు పదేపదే కడిగిన తర్వాత కూడా శుభ్రంగా, ప్రకాశవంతమైన రూపాన్ని అందిస్తాయి. అలాగే, మీరు వివిధ రంగుల బెడ్ షీట్లను ఉపయోగిస్తే, వాష్‌లో రంగులు కలపకుండా ఉండటానికి మీరు వాటిని విడిగా కడగాలి. ఈ కారణంగానే భారతీయ రైల్వేలు ప్రయాణికుల వినియోగానికి తెల్లటి బెడ్షీట్లను ఉత్తమమైనవిగా పరిగణిస్తుంది.
చాలా మంది బెడ్షీట్లు తమతో పాటు తీసుకొస్తుంటారు. దొరికితే జరిమానా వేస్తారు.. కానీ దొరకపోతే ఎవరికీ నష్టం ఉండదు అనుకుంటారు కదూ..! బెడ్షీట్లను సీట్‌ నెంబర్లలో వేయడానికి, వాడేసిన వాటిని తీయడానికి మనుషులు ఉంటారు. వాళ్ల జీతాలు కూడా చాలా తక్కువే ఉంటాయి. బెడ్షీట్లు దొంగలిస్తే.. వారి జీతం నుంచి డబ్బులు కట్‌ చేస్తారట. ఈసారి ఎప్పుడైనా ఇలా బెడ్షీట్లు తీసేయాలి అని ఆలోచన వస్తే.. పాపం వారి గురించి ఆలోచించి వదిలేయండి..!
