చేతులు లేక‌పోతే ఆ న‌ర‌కం ఎలా ఉంటుందో చెప్పాల్సిన పనిలేదు. ఎందుకంటే చేతులు లేక‌పోతే మ‌నం ఏ ప‌నీ చేయ‌లేం. కానీ ఇప్పుడు అలాంటి వాళ్ల కోసం డాక్ట‌ర్లు అద్భుతాలు చేసి చూపిస్తున్నారు. ఇప్పుడు కూడా ఇలాంటి ఘ‌ట‌నే ఒకటి అంద‌రినీ ఆశ్చ‌ర్య‌ప‌రుస్తోంది. పంచంలో మొట్టమొదటి పూర్తి డబుల్ ఆర్మ్ ట్రాన్స్ ప్లాంట్ చేయించుకున్న ఒక వ్యక్తి శస్త్రచికిత్స విజయవంతమైందని వెల్లడించాడు.
ఐస్లాండ్ లోని క్పావోగుర్ పట్టణానికి చెందిన 49 ఏళ్ల ఫెలిక్స్ గ్రెటార్సన్ 1998లో విద్యుత్ లైన్ ను పరిష్కరించడానికి ప్రయత్నిస్తున్నప్పుడు ప్ర‌మాద‌వ‌శాత్తు విద్యుదాఘాతానికి గురై తన రెండు చేతులను కోల్పోయాడు. వైద్యులు అతని రెండు చేతులను తొలగించాల్సి వచ్చింది. చేతి మార్పిడికి ప్రసిద్ధి చెందిన ప్రఖ్యాత సర్జన్ డాక్టర్ జీన్-మిచెల్ డుబెర్నార్డ్ ఐస్లాండ్ విశ్వవిద్యాలయంలో ఉన్నాడ‌ని తెలుసుకుని వెళ్లాడు.
ఇక డాక్టర్ డుబెర్నార్డ్ ఈ ఏడాది జనవరి 12న ఫెలిక్స్ కు 15 గంటల శస్త్రచికిత్సలో డబుల్ ఆర్మ్ మరియు షోల్డర్ ట్రాన్స్ ప్లాంట్ చేశారు. వందల గంటల రెస్ట్ త‌ర్వాత ఫెలిక్స్ ఇప్పుడు తన రెండు చేతులను కదిలించగలుగుతున్నాడు. నరాలు పెరిగినప్పుడు వారిలో అనుభూతి కొంచెం బాధాకరంగా ఉంటుంద‌ని, చ‌ర్మానికి పెద్ద‌గా స్ప‌ర్శ ఏర్ప‌డ‌క‌పోయినా న‌రాల్లో ఏర్ప‌డుతోంద‌ని ఆయ‌న తెలుపుతున్నారు. మొత్తానికి స‌ర్జ‌రీ విజ‌య‌వంతం అయింద‌ని తెలుపుతున్నారు.
