హైదరాబాద్ ప్రజలకు గుడ్‌ న్యూస్‌. హైదరాబాద్ కొత్త కమిషనరేట్ పరిధిలో 20 కొత్త పోలీస్ స్టేషన్లు ఏర్పాటు కానున్నాయి. కొత్త పోలీస్ స్టేషన్లను ఏర్పాటు చేస్తూ జీవో విడుదల చేసింది తెలంగాణ ప్రభుత్వం.
ధోమలగూడ, లేక్ పోలీస్ స్టేషన్, ఖైరతాబాద్, వారసిగూడా, తాడ్బండ్, బండ్లగూడా, ఐఎస్ సదన్, తొలిచౌకి, గుడిమల్కాపూర్, మాసబ్ ట్యాంక్ , ఫిల్మ్ నగర్, రహమత్ నగర్, బోరాబండ ప్రాంతాల్లో కొత్త పోలీస్ స్టేషన్లు ఏర్పాటు కానున్నాయి.
అలాగే, ఆరు జోన్లలో జోన్ కు ఒకటి చొప్పున మహిళా పోలీస్ స్టేషన్ ఏర్పాటు కానుంది. ఈ నెలాఖరు నుంచి కొత్త పీఎస్ లలో కార్యకలాపాలు జరుగనున్నాయి. త్వరలోనే కొత్త పోలీస్ స్టేషన్లకు సిఐలు, సిబ్బంది నియామకం జరుగనుంది. హైదరాబాద్ లో మరో 13 కొత్త ట్రాఫిక్ పోలీస్ స్టేషన్లు ఏర్పాటు కానున్నాయి.
