గ్రూప్-3 పరీక్ష కోసం వచ్చిన బాలింతకు మహిళా కానిస్టేబుల్ సాయం

తెలంగాణలో ఆదివారం గ్రూప్-3 పరీక్షలు ప్రారంభమైన విషయం తెలిసిందే. నిన్న రెండు పేపర్లు పూర్తవ్వగా..సోమవారం పేపర్ -3 జరుగుతోంది. ఈ క్రమంలోనే పరీక్ష రాసేందుకు వచ్చిన బాలింతకు విధుల్లో ఉన్న మహిళా కానిస్టేబుల్ సాయం చేసింది.వివరాల్లోకివెళితే.. కృష్ణవేణి అనే మహిళ గ్రూప్-3 పరీక్ష రాసేందుకు వెళ్లగా ఐదు నెలల బాబు అలనాపాలనాను అక్కడే విధుల్లో ఉన్న మహిళా కానిస్టేబుల్ నర్సమ్మ చూసుకున్నారు.

ఈ ఘటన వికారాబాద్ జిల్లా తాండూరు పట్టణంలో చోటు చేసుకున్నది. పరీక్ష పూర్తయ్యే వరకు బాబు ఆలనా పాలనా చూసుకున్న పోలీస్ సిబ్బంది నర్సమ్మ సాయానికి శభాష్ అంటూ జిల్లా సబ్ కలెక్టర్ అభినందించారు. ఇదిలాఉండగా, గ్రూప్-3 పరీక్ష నేటితో ప్రశాంతంగా ముగియనుంది.