హైదరాబాద్‌ లోని రాజేంద్ర నగర్‌ లో మరో ఘోర ప్రమాదం చోటు చేసుకుంది. రాజేంద్ర నగర్‌ లోని గండిపేట సీబీఐటి రోడ్డులో విద్యుత్ స్థంభాన్ని ఢీ కొట్టుకుని ఇద్దరు విద్యార్థుల దుర్మరణం చెందారు. ఇక ఈ ప్రమాదంలో మరో ముగ్గురు విద్యార్థులకు గాయాలు అయ్యాయి. గండిపేట నుండి నార్సింగ్ వైపు ఒక కారు వెళుతోంది. అయితే ఆ కారులో ఐదు మంది విద్యార్థులు ఉన్నారు.
కారు వెళ్లే దారిలో ఆటో ఒక్కసారిగా అడ్డు వచ్చింది. దీంతో ఆ ఆటోను తప్పించబోయి కరెంటు స్తంభానికి ఢీ కొట్టింది విద్యార్థులు కారు. దీంతో ఘటన స్థలంలోనే ఇద్దరు విద్యార్థులు అక్కడికక్కడే మృతి చెందారు. ఈ ప్రమాదంలో కౌశిక్, జో డౌన్ అనే ఇద్దరు విద్యార్థులు మృతి చెందినట్టు తెలుస్తోంది. క్షతగాత్రయలను హుటాహుటిన ఆసుపత్రికి తరలించారు స్థానికులు. ఇక స్థానికుల సమాచారం తో హుటాహుటిన ఘటన స్థలానికి చేరుకున్న నార్సింగీ పోలీసులు… కేసు నమోదు చేసి దర్యాప్తు చేస్తున్నారు.
