తెలంగాణ వ్యాప్తంగా ఎంసెట్ పరీక్షలు త్వరలోనే జరగనున్నాయి..ఈ పరీక్షలకు చాలా మంది విద్యార్థులు అప్లై చేశారు.కాగా, తాజాగా అధికారులు హాల్ టిక్కెట్లను విడుదల చేశారు.అభ్యర్థులు అధికారిక వెబ్ సైట్ నుంచి హాల్ టికెట్లను డౌన్ లోడ్ చేసుకోవాల్సి ఉంటుంది.
అయితే.. ఈ హాల్ టికెట్లు జులై 11 వ తేదీ వరకు మాత్రమే ఆన్లైన్లో అందుబాటులో ఉంటాయని అధికారులు ప్రకటనలో స్పష్టం చేశారు. ఎంసెట్ పరీక్షకు అప్లై చేసుకున్న అభ్యర్థులు ఆ తేదీలోగా హాల్ టికెట్లను డౌన్ లోడ్ చేసుకోవాల్సి ఉంటుందని వారు తెలిపారు.
ఎంసెట్ కు దరఖాస్తు ప్రక్రియ ఇప్పటికే ముగిసింది. అయితే..లేట్ ఫీ దరఖాస్తు చేసుకునే అవకాశాన్ని మాత్రం కల్పించారు అధికారులు. అభ్యర్థులు లేట్ ఫీ జులై 7 తేదీ వరకు దరఖాస్తు చేసుకోవచ్చును. అందుకోసం రూ.2700 చెల్లించాల్సి ఉంటుంది..
హాల్ టికెట్లను ఎలా డౌన్ లోడ్ చేసుకోవాలి?
*. అభ్యర్థులు మొదటగా ఎంసెట్ అధికారిక వెబ్ సైట్ (https://eamcet.tsche.ac.in/) ను ఓపెన్ చేయాలి.
*. మీకు హోం పేజీలో Download Hall Ticket (E & AM) లింక్ కనిపిస్తుంది. ఆ లింక్ పై క్లిక్ చేయాలి.
*. మీకు కొత్త పేజీ ఓపెన్ అవుతుంది. ఆ పేజీలో Registration Number, Qualifying Examination Hall Ticket No, Date of Birth వివరాలను నమోదు చేయాలి.
*. వివరాలను నమోదు చేసిన తర్వాత Get Hallticket ఆప్షన్ పై క్లిక్ చేయాలి.
*. తర్వాత స్క్రీన్ పై మీ హాల్ టికెట్ కనిపిస్తుంది. హాల్ టికెట్ ను ప్రింట్ తీసుకుని భద్రపరుచుకోవాలి.
ఇదిలా ఉంటే.. తెలంగాణలో జులై 14వ తేదీ నుంచి 20వ తేదీ వరకు ఎంసెట్ ఎగ్జామ్ ను నిర్వహించేందుకు అధికారులు అన్ని ఏర్పాట్లు చేస్తున్నారు. 14, 15 తేదీల్లో అగ్రికల్చర్ అండ్ మెడికల్ గ్రూప్ ఎగ్జామ్స్, జులై 18, 19, 20 తేదీల్లో ఇంజనీరింగ్ కు సంబంధించిన ప్రవేశ పరీక్షను నిర్వహిస్తారు.
